MALAKI 2:7 - Biblía Axweesantá Hhohho' ar Mungú 2004

⁷ Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

MALAKI 2:7 Iomraidhean Croise

2 WAAWITÁ 16:11

Uria kitángw ilahhooa guri tleéhh ar slaqsoó adór kudá', nee tleehhamoro guri hhe'eés dír waawutmo Ahasi nira amór dó' i ki/iiká.

2 WAAWITÁ 16:16

Kaahamusmo Uria adoodá' waawutmo aa oó' gana eehár tleehharo.

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

2 QOM'I 31:4

Waawutmo múk Yerusalemu guri malé ádbáy, daqaari'iimar'ín ngiwa bahh haniisiya' dír kaahamuusér Mungú nee múk tlahhoó Laáwi, as kahhó' inooín tiwa haniisiya' baraá gadiyér dabér AAKOÓ MUNGÚ.

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

AXWEESANOÓ SAGALOOA 5:2

Daqaní kuúng a hót ar dahar, axweesantók tari adór tiqár heé fuqurángw koóm.

DAHARUSMO 5:5

A tsiní al'axweesani baraá qaská ta al'axweesantá taa qás kawa meer boo/esaro.

ISAYA 42:19

A heemá oo taampa ala aqo har sagadiyusmooeé', laqaá oo matooyi adór ya/abusmoodá' aníng naa ya/aáwi. A heemá oo taampa adór sagadiyusmoodá' aníng naa paraátl, laqaá oo taampa oo adór sagadiyusmoó AAKOÓ MUNGÚ?

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 2:8

Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

DANIELI 11:33

Múk sagalooár koóm múk yaariír ku intsaahhatis. Tam adoorihe inooín ki tsuu/ ar paánga nee ar asla deelór hhaawakahe, kiri haasaáng wa ar tláy nee daqaari'iimar'ín kari hayóh.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

TLAHHOÓ LAÁWI 10:11

Slám xoorór Israeli an intsaahhatisa' kaahirí sleémeero naa hara'ayiimi dír Mose ale.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

HAGAI 1:13

Ala Hagai, ya/abusmoó AAKOÓ MUNGU, daanduú ya/abtór AAKOÓ MUNGUHE muu guri báy, AAKOÓ MUNGÚ i kaahi, «Án nee kuungá' a dinkwa.»

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

Yohana 13:20

Án a kah, umuúqo heewo oo aníng naa ya/aáw, nee inós kuri ilaaóh, heedaádá' gwa ilaaoh a aníng ina ilaóh. Nee kudá' aníng iga ilaaoh, a kudá' aníng iga ya/aaw guna ilaaóh.»

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Galatia 4:14

Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

DABE 21:5

Daqaní kaahamuusér Mungú ar tlahhoó Laáwi, ni didií hardat, asma AAKOÓ MUNGÚ, Munguúhúng inooín gina tsawaár as nguwa sagadiyuusiya', nee tsuuqa ngiwa hanmiisiya' ar umuú AAKOÓ MUNGÚ. Inooín aleesleemu ngu koná' oo qaa/oó gila nee oo muruú /uuru nguwa tlaaqiya'.

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 SAMUELI 2:17

Tlakweemaá daaqoó doó Eli niri harwaraahhiyé' geeraá AAKOÓ MUNGUHE, gawaá adoorihe Mungú iri ló'wa buúhh, asma mukwí ilahhooár AAKOÓ MUNGÚ gana waaqaá'.