MALAKI 2:6 - Biblía Axweesantá Hhohho' ar Mungú 2004

⁶ Hara'ayár ló' i baraá afkós, tam al/ayma i káhh baraá afkose. Ina hi'iimiít dinkwa nee aníng ar wayda nee gan'amu, nee awa yaariir nay warqayé', tlakweema ngay mayé'.

MALAKI 2:6 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

WARA'AMI 119:142

Gan'amuuwók an gan'amuú alhhe'eesay wásl, nee dabeerók ar ló'.

WARA'AMI 119:151

Ala kuúng tu tseéw dir'eene, AAKOÓ MUNGÚ, hara'ayarók sleémeero ar ló'.

WARA'AMI 37:30

Heé hota ganaá', muruú sagalooa gun axwees. Nee afkose sakwasleemár ganaa' gan axwees.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

AXWEESANOÓ SAGALOOA 5:2

Daqaní kuúng a hót ar dahar, axweesantók tari adór tiqár heé fuqurángw koóm.

YEREMIA 23:22

Inooín geeraawo bar kwasleemar'eé' ngaa aye', inooín geeraawo axweesante'eé' ngaa dahareemisiyé' dír muk'eé'. Geeraawo muk'eé' kunga ki/ís baraá loohidá' tlaakwe, nee geeraawo kunga duúx baraá tlehhmi'iidá' tlakwe.»

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Marko 12:14

Tawa dirós i hardáh, kuri báy, «Intsaahhatusámo, a xuaán adór kuúng tar heé ló', tam kángw uroó hee u yaahamiská, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Roma kuwa koódírií hanisaan, laqaá i gan'aká?

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Luka 20:21

Yesu kuri yaahaás, kuri báy, «Intsaahhatusámo, atén a xuaán kuúng tidá' ganaa' an kát nee an intsaahhatimís. Slám kángw uroó hee u yaahamiská, ala loohír Mungú adoodá' ir gana' tinar intsaahhatimís.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

DABE 33:8

Daanduú tlahhoó Laáwiwo ina oó', «Múk tlahhoó Laáwi tlaa/eedaá Tumimu nee Urimu, kudá' sla'aarirók kar tsatsahhan haniseek, dír kudá' inkihhimuú koomá', kudá' taa iiara'át dír Masár wa ale, kudá' kuúng taa xuuxú' ar looeema dír ma'aá Meribaro.

DABE 33:9

Inooín xwaylitér'ín ngina geexayé' nee hhaeeín ngina gaárí xui'iiká, nee na/ii'ín ngaa gaárí xui'iiká, asma axweesantók ngina harmagaahhiyé', nee alqadoorók ngina amohhe'eemisiyé'.

Geehhoeemaá 14:5

Nee gawaá afer'ine lama i káhh. Asma inooín tlakweema kaa tleehhiiká.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,