MALAKI 2:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

MALAKI 2:17 Iomraidhean Croise

YOBU 34:17

Bar Mungú gan'amu gu slaiiká, iqo waawuti'ína? Inósuudá' hota ganaá' nee oo aleesleemuú koóm uqo dakuúsár beéra?

YOBU 34:36

Alók geeraawo Yobu kun alqaytsita hhe'ees, asma axweesantós a adór tiqár múk tlákw.

YOBU 36:17

Ala hamí kuúng ta adór tlakusmoó wá sakwasleemuút, sakwasleemár uwa hariim ugwa al'iwít.

YOBU 9:24

Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

ISAYA 1:14

Deelorhúng tidá' uren ar slahhángw /abén nee tidá' taa hara'ayini aníng aga aáhh, muruuwí a adór huwár iiloo' dir'eene, aníng alqitluuwo ugwa harslaaqaát.

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 43:22

«Tam adoorihe kuungá' múk Yakobo, aníng iga firindi'iiká, kuungaá múk Israeli aga slaaqaté' as aníng.

ISAYA 43:24

Aníng kuungá' iga mooyángw tsuúi tlaxwi'iiká ar peésarhúng. Laqaá aníng iga aaxisi'iiká ar ilahhooár muruú ta tsu/i oo wahhaár. Ala aníng tlakweemaahúng iga al'iloouyé'. Aníng iga slaaqatisé' ar dakumisuuhúng.

ISAYA 7:13

Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 17:15

Ga/aaweek, inooín aníng in babaya', «Axweesantadár AAKOÓ MUNGÚ aa oó' i amá? Gám ala i tleehharut.»

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 18:25

«Ala kuungá' a kata', ‹Gár Aakoó Mungú i tlehhiiti i qoondaaká.› Kuungaá múk Israeli, iia qaasaak daxta. Xáy, gár aníng ni tleehhiít iqo tsuwa qoondaakáhe? Gár kuungá' ta tlehhita' an tidá' qoomaaká.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

AMOS 2:13

Qaytsiité', daxta aníng kuungá' nu al'iilooúw ar adoodá' gaári kar al'iiloouy nee guniyadaá balaangw.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›

MALAKI 2:14

Ala kuungá' a kata', «Asma milá?» Asma AAKOÓ MUNGÚ tawa lamabu'usmoó al'axweesani tla/ángw kuúng nee hareerók ar bi/i, tidá' taa sí' inós tam toge, nee harér al'axweesantók.

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.