MALAKI 2:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ, Munguú múk Israeli i kaahi, «Asma aníng s a sla'aaká hee hareerós ar bi/i ngiwa huushi si'imawo. Aníng alsi'imuú adór kwí u aáhh, hee tumu wák hareerós ar bi/i ngiwa huushi si'imawo.»

MALAKI 2:16 Iomraidhean Croise

WARA'AMI 73:6

Daara/aango iwa hiley guir, adór heé ta parootuús ar kwaslu, inooín a baramaanuuse, dir'ine baramaani a adór tsitaay.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

AXWEESANOÓ SAGALOOA 5:20

Garmaaeé', ahaá a milá mas an tawo qwalaalá/ amór /ameenír sli'imuso'o? Ahaá mas an dahaayo'ór ma'amís?

ISAYA 28:20

Asma dír kuungae a adór heé aa qaat gawaá qatanír ququmaar, nee adór heé tsatmír inqwaari gaa uuntsuus.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 59:6

Neeworhúng tlabár tleehharo i hariindaaká, tlabaadá' ta tlehhita', muu gi tsiitiiká. Gadiyérhúng a gadiyér tlakw. Gadiyér dabaahúng a gadiyér xaraasl.

Luka 16:18

«Umuúqo heewo oo hareerós gaa guus, iri harér hatlá' duúx, aa fuquús. Nee bar hee /ameenír hhawaatuuwós aa guús nga duúx, aa fuquús.»

1 Korinto 7:10

Ala mukdá' aa qaroó duuxuuxun, nee /ameenadá' taa qaroó duxuút, aníng inooín in hara'ayiyiím. Ala a aningeeká, ala a Aako gin hara'ayiyín iwa kaahi, /ameeni hhawaatuuwós munguwa geexeér.