MALAKI 2:15 - Biblía Axweesantá Hhohho' ar Mungú 2004

¹⁵ Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

MALAKI 2:15 Iomraidhean Croise

IIMU/UUNGW 1:27

Mungú hee guri tleéhh ar slaqsaywósuú kilá'. Hee guna tleéhh ar slaqsoó Mungú. Hhawaata nee /ameeni gina tleéhh.

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 24:44

Inós bira ó', ‹Gimáy waheek, nee tam angamíarók ngi wahaás sleeme,› masók inós ta dasír kuúng taa tsawát tawa harér garmoó aakooeé'.»

IIMU/UUNGW 27:46

Rebeka Isaka guri beér, «Aníng amohhooa a koomaaká baraá slafingw'eene as /ameenarír Hiti. Yakobo /ameenír wák ar múk Hiti birnga duúx, gár nis slaaf a milá?»

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

ESRA 9:4

Aluuwo mukdá' axweesantá Munguú Israeli ngi da'ayumiitá' iri i burumburitiyé' as inkihhimu waslér mukdá' naa baraá looháy wa waatl, aníng niri iwiít ar dae ay qoomár ilahhooár muruú ta tsu/i ar tsiindo kawa hanmiisi.

NEHEMIA 13:24

tlaqtá na/ii'ín a tsifrír Ashdodi ngin ar axweesiyá', ala tsifrír Yuda ngi aleeslay'aaká ar axweesanto, ala a tsifrír múk hatlá'.

YOBU 27:3

Dír hiinslueé' ir kumiiti, nee dir qeeruú Mungú ir baraeéní kahhi,

TI'INAANGW 20:14

«Fuqi ma awaar.

AXWEESANOÓ SAGALOOA 2:17

/ameenír hhawaatuuwós oo bi/i ngwaa geexeer, nee alqadór Munguúwós gaa gunqaares.

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

AXWEESANOÓ SAGALOOA 6:25

/Ameeni ma ilaatleerusaar as kawa hhoohhoó', sleeme ma ya/amaar uwa ot ar hhamhhamaá ilaawós.

AXWEESANOÓ SAGALOOA 7:25

Baraawoge /ameenír adoorí ma waatlakweesaar, sleeme tsufaywós mur waaraahhaar.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

MALAKI 2:14

Ala kuungá' a kata', «Asma milá?» Asma AAKOÓ MUNGÚ tawa lamabu'usmoó al'axweesani tla/ángw kuúng nee hareerók ar bi/i, tidá' taa sí' inós tam toge, nee harér al'axweesantók.

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Yohana 20:22

Aluuwo tí ooaro ngiwa hhe'eés, giri i hiínsl, giri báy, «Qeeruú hhoohhoó' oo Mungú ilaoohaak.

Tlehhema'aá ya/Abuuse 3:25

Kuungá' a na/aá aaruuse, nee slám a na/aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu iwa kaahi, ‹Baraá xwaylaroge xoordu sleémeero awa baraá yaamu ki tsuuq.›

1 Korinto 7:14

Asma hhawaatuuduú krishaanmowooká, ku hhoohhooees ar loohír hareerós. Nee hareedár krishaanto'oorooká ka hhoohhooees ar loohír hhawaatuuwós. Asma geera bar adooriheeká, na/iihúng geera ki hhohhoeká. Ala hám ki hhohho'.

1 Korinto 7:2

Ala as adoodá' fuqi iwa tláhh, umuúqo hhawaatuuwo masók in hareerós kón, nee umuúqo /ameeniro masók in hhawaatuuwós koón.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.

Tito 1:6

Geeraharusmoó múk kríshaanáy masók a heé xaslxaansli wásl. Heé hare wák, nee na/iiwós masók a na/aá haratlintaaór koomá', awa ta daanda muruú tlákwí kaahiiká. Inooín masók a fuquuseerooká laqaá kudá' ilaiwa/amér kooma'aaká.

RUTI 4:12

AAKOÓ MUNGÚ do'ók ngu uráy i haniisi, na/aá Mungú ni dír kuúng nee /ameenirí haniisi, i adór na/aá doó Perisi tleehhitiye', kudá' Tamari aa Yuda i laqwál.»

1 SAMUELI 2:20

Eli, Elkana nee hareerose giri tsuúq, iri oó', «AAKOÓ MUNGÚ /ameenirí ngi na/aá hatlá' i haniisi, kitángw na/aywí taa hanisi'i dír AAKOÓ MUNGÚ i ale.» Inooín tari waátl amór dooín.