MALAKI 1:9 - Biblía Axweesantá Hhohho' ar Mungú 2004

⁹ Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

MALAKI 1:9 Iomraidhean Croise

2 QOM'I 30:27

Aluuwo kaahamuusér Mungú nee múk tlahhoó Laáwiwo tari sihhiít muu kway tsuúq, afor'ín kari axaás, firor'ín iri hardát gawaá doori tidá' hhoohhoo', inós iri axaás amoorós tidá' hhoohhoó' wa alé gawaá doori, firor'ín gari ya/án.

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

Rumi 2:11

Asma Mungú i barqaantusiiká.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.