MALAKI 1:6 - Biblía Axweesantá Hhohho' ar Mungú 2004

⁶ AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 1:6 Iomraidhean Croise

WARA'AMI 123:2

Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

AXWEESANOÓ SAGALOOA 17:6

Nángw naangw a slamángw bariise ir durbibiin, nee gár na/ii nir durbibina' a xwayliitér'ín.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

ISAYA 45:10

Tsaxwaawós na/oó baabuúwós babáw, «Gár tasa laqwál?» Laqaá na/oó aayoorós babáw, «Gár asltá xwayla isa /ák?»

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 3:4

Aqo hamír kilá' iga atetkáhe tawa kat, «Kuúng a baabuúeé', ina slá' iimír tawa na/oó niiná.

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

YEREMIA 35:16

Na/aá Yonadabu garmoó Rekabu, hara'ayadár baabuúín ngaa oohiyé', ala mukwí aníng iga iialooeesi'iiká.

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

MALAKI 2:1

«Ala daxta, kuungá' kaahamuusér Mungú, hara'ayaarí i kuungá' wa hariín.

MALAKI 2:10

Xáy, atén sleémeero baabuúrén a wákeéke? Munguú taa tleehh a wákeéke? Ahaá baré umuúqo heewo hhiyaawós gun muruú tlákw i tlehhiit, alqadaá baabi'iirén in hhititimaán.

MALAKI 2:8

«Ala kuungá' ana warqeeré', loohi kay geexeeré', múk yaariír ugwa paslisé' baraá hara'ayaaro, alqadór Laáwi aga sié',» AAKOÓ MUNGÚ Aleesleemusmo tí ngina oó'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 15:4

Asma Mungú ina oó', ‹Baabuúwók nee aayoorók ilaiwawa/eek.› Nee, ‹Heé baabuúwós gu /ooslisliím, laqaá aayo, gár kuwa hariím a gwa'ara.›

Matayo 15:6

heewí daqaní baabuúwós nee aayoorós gár ngis ilaiwawa/i i káhh.› Gawaá adoorihe kuungá' axweesantá Mungú ana warqesé' ar uunuuhúng.

Matayo 19:19

Baabuúwók nee aayo ilaiwawa/eek, nee Inslaawmoowók slaeek adoodá' kuúng tir kilók sla'.› »

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Matayo 7:21

«Heé aní tawó babáw, ‹Aáko, Aáko,› i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií' ga tlehhiít.

Marko 10:19

Ahaá baré hara'aya a xú', ‹Hee muu gaasaar, Ma fuquusaar, Ma fisisiimaar, Lamabu'úngw lama mu kaahaar, Ma al/agiimaar, Baabuúwók nee aayo ilaiwawa/eek.› »

Marko 7:10

Asma Mose ina oó', ‹Baabuúwók nee aayoorók ilaiwawa/eek.› Iri male oó', ‹Heé baabuúwós gu /ooslisliím laqaá aayo, gár kuwa hariím a gwa'ara.›

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»

Luka 18:20

Ahaá baré hara'aya a xú', ‹Fuqi ma awaar, Hee mu gaasaar, Gár hee ma fiisaar, Hee mu /aysántií tsataar, Baabuúwók nee aayo ilaiwawa/eek.› »

Luka 6:36

Gimsé', gurtleemu koomaak, adór Baabuúhúng ir gurtleemuú kon.»

Luka 6:46

«Aníng mihar babeera', ‹Aáko, Aáko,› ala tidá' án ni kah a tlehhita'aaká.

Efeso 6:2

«Baabuúwók nee aayo ilaiwawa/eek.» Hara'ayaarí an hara'ayaadár geera, tidá' al'axweesantá koom.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.