MALAKI 1:4 - Biblía Axweesantá Hhohho' ar Mungú 2004

⁴ Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »

MALAKI 1:4 Iomraidhean Croise

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 34:10

Tlaatla/aangw nee xweeraawo asltí i baloó gwa'aká, quuirós in sihhmaamít ay alhhe'eesay wasle. Yaamu iri xaanxaay tleehhitiyá' qari sleémeero, heé baraá yaamuudár waaraáhh i kaahh kureerisleém.

ISAYA 34:5

Asma paángar'eé' aga amohhe'eés gawaá doorí wá ale. Ga/aaweek, nin awét as múk Edomu nguwa tlaq, nee múk naa istí tsaát nguwa qwaarees.

YEREMIA 31:17

Harahhifo a sleerá' baraá deelór hi'iita, nee na/iihúng nin watliyá' baraá yaamuuín awa kilá'. Anuú AAKOÓ MUNGÚ tí ngina oó'.

YEREMIA 49:20

Gawaá adoorihe, adoodá' AAKOÓ MUNGÚ aa qoomeés dír múk Edomu iiárií qaasaak, nee adoodá' i tleehhamór wa slai dír yaamuloouusér Temaniwo. Tam deeláy'ín oo bee/aangw kun yaamúr duuruxún, nee kuri ar tláy, múk yaamuudá' hoót tari waa/oo'.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

YEREMIA 49:8

Yaamuloouusér Dedani, kuungá' /akumiité', warqawé' hota awaak baraá nahhaata. Asma xwaylár Esau aníng a slahh'amií huúw, qoomár ngiwa muux bir naa xeér.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

ESEKIELI 11:10

Kuungá' tundu tsuu/ ar paánga, aníng kuungá' nu sakwasleemuút dír digimuú múk Israelír wa alé. Qoomaarí an qoomár kuungá' kawa tsahha' adór aníng tar AAKOÓ MUNGÚ.

ESEKIELI 25:13

Gawaá adoorihe, anuú Aakoó MUNGÚ a kah, Aníng dakw'eé' u tleés gawaá múk Edomu, nee muu sleémeero nee makaywo ngiri tsuú/. Yaamuuín i deewa'atís iimír gixsár Temani ay gixsár Dedani, muu ku hhaamiis ar paánga.

ESEKIELI 25:14

Muk'eé' oo Israeli un aleesleemuú i haniís oo li/ay nguwa buiya' dír múk Edomu, inooín adoodá' buhhtaaeé' i dirii'iya' ngi tleehhiyá' dir'ín i alé. Múk Edomu ilooeemaá li/aydá' aníng ni buu' giri tsaahhh. Anuú Aakoó MUNGÚ tí ngina oó'.»

ESEKIELI 26:14

Nuri tlaa/ár kaahaar tleéhh, tari dír baratsufaay kway intlaahan, nee ti malé tleehhiiká. Asma anuú AAKOÓ MUNGÚ tí ngina oó'.»

ESEKIELI 35:4

Gixsaduuwók in taangu tleéhh, nee kiíng tari adór xaanxay tleehhít. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 35:9

Aníng kiíng in xaanxay tleéhh ay alhhe'eesay wasle, gixsaduuwók ki malé wa hootiiká. Daqaní aníng i tsahhá' adór tar AAKOÓ MUNGÚ.›

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

AMOS 3:15

Aníng maraydá' taa tlehhiít as tsaaqwa nee kudá' taa tlehhiít as qoomár siiree/i in yaamií intláh sleémeero. Nee maraydá' taa qaalín ar xareemaá daawe in feé/, tam maraydá' uren i meetisaaká. Anuú AAKOÓ MUNGÚ tí ngina oó'.»

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 6:11

AAKOÓ MUNGÚ hara'aya gaa oó', doó úr iri feehhamiit, doó niiná iri suwa tleehhiit.

AMOS 6:2

Gimsé', qaytsité' baraá gixsár Kalne, daqaní ta kumitá' ay baraá gixsadá' ur ar Hamati, nee ta baráy /etá' ay yaamaá Filisti dír gixsár Gati. Xáy, inooín an ak tsiníhe ta yaamaá Yuda nee Israeliwo? Xáy, yaamuuín ki úre ta koohunge?

OBADIA 1:1

Kaangwí an iigu'utuú Obadia, adoodá' Mungú ngira oó' daanduú Edomuwo. Kángw amór AAKOÓ MUNGÚ daáhh ugwa axaasaán. Ya/abusmo kwaa ya/aáw amór xoordu, iwa kaahi, «Gimsé', tlawaaré', qwalaas, sihhiitaré', ti muxaán nee Edomu.»

OBADIA 1:10

Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

MALAKI 1:3

ala xwaylár Esau ana aáhh, nee tlom'aá yaamaá Edomu ngay deewa'atís, nee aalir'ín ngay intsaawér i haniís.»

Matayo 12:30

«Heé barte'eénií diriiaaká, kwí a aníng ina sií', nee kudá' burumburiimaaká dinkwa nee aníng, inós in tsaafimiis.