MALAKI 1:14 - Biblía Axweesantá Hhohho' ar Mungú 2004

¹⁴ «Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

MALAKI 1:14 Iomraidhean Croise

IIMU/UUNGW 27:12

Hám wané baabá aníng i matsotsoqoos, án iri tsaahh adór ngura al/aáy, aluuwo aníng lo'o iri eér, tsuuqa ngiri slawaaká.»

2 SAMUELI 24:24

Ala waawutmo Daudi Arauna guri báy, «Aasla'áy, kuúng mindi gaa haniisaar. Aníng an tlaáxw ar hariímár tlaxoorós. AAKOÓ MUNGÚ, Munguúeé' u ilahhooár da/tií haniisaaká ar naa hamér wa xintsiiká.» Daudi kitangwduú balaangw muxta guri tlaáxw ar shekeéli mibeeri kooán.

WARA'AMI 102:16

AAKOÓ MUNGÚ gixsár Siyoni birnga male tleéhh, daqaní xirfuuwós i geehhooúy.

WARA'AMI 47:2

Asma AAKOÓ MUNGÚ kuduú Aleesleemusmo, kudá' Gáwtí dirií', an kudá' dae tlaáq. Inós a waawutmoó úr oo yaamu sleémeero.

WARA'AMI 47:3

Xoordu ngina gawaá dabaarén i qaás, as kiwa sawaawuti'iimaan.

WARA'AMI 47:8

Mungú xoordu gi sawaawuti'ín, Mungú aa iwiít gawaá kitaangós kudá' hhoohhoó' oo aleesleemu.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

WARA'AMI 76:12

Inós geeraharuusér uren ga daba' tsaat, nee waawituú baraá yaamu nguri da'ayuutiyá'.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 48:10

Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

MALAKI 1:8

Kuungá' ilahhooár muruú ta tsu/i ar gár taampa ngiwa hanmisa' ka hhoóe? Nee ilahhooár gár toqoori laqaá gár tiiq ngiwa hanmisa' ka hhoóe? Xáy muruú adór kwí bura hanís dír ga/aawusmoowók, ku hhoóe dirose? Gu ya/aána?» AAKOÓ MUNGÚ Aleesleemusmo ngina oó'.

MALAKI 2:1

«Ala daxta, kuungá' kaahamuusér Mungú, hara'ayaarí i kuungá' wa hariín.

MALAKI 3:9

Kuungá' tunda lu'ús ar lo'o, asma kuungá' nee xooroorí sleémeero aníng i al/agiindá'.

Matayo 24:51

Sagadiyusmoodá' guri tla/a tsaat, guri haragaas dír hhaahhafuuse. Diirí an didá' tawa /aa/amin nee sihhina' kiwa qirirtlimiisi.»

Matayo 5:35

Laqaá lo'o ma huwaara' ar yaamu, asma yaamu a kitángw ya'aá Mungú. Laqaá lo'o ma huwaara' ar gixsár Yerusalemu, asma a gixsár Waawutmoó úr.

Marko 14:8

/Ameenirí adoodá' aa asleér gaa tléhh. Slaqwte'eé' gaa geerií slík ar mooyaangw, asma gana amohhe'és as deelór foolar'eé'.

Luka 12:46

Sagadiyusmoó adoorí ga tleéhh, ku adoodí áy nee aakoowós baalár inós aa haraxuiiká, nee siiwár i xuiiká. Nee inós gun tlaaq nee guri haragaas dinkwa nee múk inkihhimu wásl.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

DABE 28:58

«Barnaxes kuúng aga magahhká dabeerí taa baraá kitaábuuwí gooín kawa boo/es, nee barnaxes aga iialooeská, nee umuudá' ló'wa dae tlaáq, xiríf oo AAKOÓ MUNGÚ, Munguúwók bur da'ayumitká,

1 Timoteo 6:15

Asma qooma bira bó/, inós kungu geehhooees nee Mungú. Mungú a baalusmo, kudá' ta xirfayeemisi, inós kilós an baalusmo, Waawutmoó waawitá nee Aakoó bariise.

Ebrania 12:29

Asma ar ló', Munguúrén an asltá mura' sleémeero gu /aay.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»