MALAKI 1:13 - Biblía Axweesantá Hhohho' ar Mungú 2004

¹³ Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

MALAKI 1:13 Iomraidhean Croise

2 SAMUELI 24:24

Ala waawutmo Daudi Arauna guri báy, «Aasla'áy, kuúng mindi gaa haniisaar. Aníng an tlaáxw ar hariímár tlaxoorós. AAKOÓ MUNGÚ, Munguúeé' u ilahhooár da/tií haniisaaká ar naa hamér wa xintsiiká.» Daudi kitangwduú balaangw muxta guri tlaáxw ar shekeéli mibeeri kooán.

ISAYA 1:12

Qoomár bar kuungá' i sluufmisuú eerá' Heé kuungá' naa ádbay muruusíng nguwa huba'? Amorqá' saaw i sihhiitaak dír dooeene.

ISAYA 57:6

Tlaa/aá natsatsaa'á' ina tsawdité' baraá xatsoó wa ale. Tlaa/eeká tari muruú slahhaá' baraá lohduuhunge. Ilahhooár wahaangw una tsipipi'iimisé' nee oo balaango. Xáy muruuwí aníng iqo sla'atísi?

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

ESEKIELI 44:31

Kaahamuusér Mungú fu'unaá gár aa kilós gwa' ngi /ayiaaká, laqaá tsir/ír aa kilós gwa', laqaá gu/umoó makiito'ór sla/a.»

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

TLAHHOÓ LAÁWI 22:8

Kaahamusmoó Mungú makiito'ór aa kilós gwa' mingiwa /aáy, laqaá ar taa gaás nee makiito'ór sla/a, as mitiwa meetagaás. Aníng a AAKOÓ MUNGÚ.

TLAHHOÓ LAÁWI 6:4

heesíng tlakweema gaa tleéhh nee aa dakuús. Gadaádá' aa fiís ngi ki/isi, laqaá tidá' nguwa /aytín, laqaá peésaadá' kway haniís, laqaá gadaádár inslaawmoowós aa sláy,

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

MALAKI 2:12

AAKOÓ MUNGÚ heé kaangwí gu tlehhiít ngu paraatli dír tlahhoó múk Yakobowo. Nee umuúqo heé AAKOÓ MUNGÚ ngu ilahhooárií hanmiisa, ngu paraatli, tam ilahhooarós sleeme mingiwa baloó haniís dír geeraá AAKOÓ MUNGÚ Aleesleemusmoowo.

MALAKI 2:13

Tí sleeme an tlehhitá', kitangwduú ilahhooa, un tuntukuundá' ar hhirhheeri, nee ar /aa/e, nee ar /ifo, asma ilahhooarhúng gan sangw ilaoohiiká ar qwala/.

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

DABE 15:21

Ala barnaxes sleesíng ka garkár wa /aár, laqaá toqoori, laqaá taampa, ma ilahhooár wa gaasaar dír AAKOÓ MUNGÚ, Munguúwók.

1 SAMUELI 2:29

Ahaá waáy gur'e munda har ohiín as ilahhooar'eé' ar muruú ta tsu/i, nee ilahhooadá' án naa hara'ayiím, kuúng na/iiwók kiri ilaiwá/ ta aninge, slaqoohúng kiri tlehhé' ar wa/aameedá' hho' ar ilahhooar'eé' sleémeero tidá' tinda huúw nee muk'eé' oo Israeli.›