Luka 9:44 - Biblía Axweesantá Hhohho' ar Mungú 2004

⁴⁴ «Axweesantí ooha hhe'eesaak baraá iaahunge, ‹Garmoó Hee ku gawaá dabaá múkwí qaas.› »

Ya/abtór hho' 1977

⁴⁴ “Axweesantí ooha hhe'eesaak baraá iiaahunge, ‘Garmoó Hee ku gawaá dabaá múk i qaas.’”

Luka 9:44 Iomraidhean Croise

2 SAMUELI 24:14

Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 26:2

«A xuá' deelo tsár bira waaráhh, a deeloodár ur ar Pasaáka, nee Garmoó Hee ku sakii/ as kuwa kikii'i.»

Marko 8:31

Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Marko 9:31

asma inós i eeharuuseerós intsaahhatimis. Gana báy, «Garmoó Hee ku qaás baraá dabaá muu, inooín kway gaas. Bar gaasaro kwa hhe'eés, deelo tám bira waaráhh i waaslee/.»

Luka 1:66

Muu sleémeero oo kaangwí gwa axaas, kuri baraá muner'ín i qaás, ta kaahi, «Na/aywí aluuwo a heé adoomá?» Asma /uuruú Aako i baraawós.

Luka 18:31

Yesu eeharuuseedá' mibaá nee tsár ganara tláy, gari báy, «Ga/aawaagáy, hamí a tsa/a/amaán tawa Yerusalémúr kawaan, nee tidá' sleémeero taa gooín nee aaruuse daanduú Garmoó Heewo i bó/.

Luka 2:19

Ala Maria tí sleémeero gari alhoorés baraá muunaáwose.

Luka 2:51

Tari al aweér ay Nasareti. Inós iri kumiít xwayliteérós ngiwa iialooeemiisi. Aayírós tí sleémeero gari alhoorén baraá muunaáwose.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Luka 9:22

Iri oó', «Garmoó Hee gár kuwa hariím a slahh'eemisuú yaariír ngun sláy, nee kun siasii' nee bariise, nee kaahamuusér uren ar Mungú, nee intsaahhatuusér hara'ayár Mose, nee kuri gaas, bál tame nay waaslee/.»

Yohana 16:31

Yesu giri báy, «Daxta aga haratlinti'í'i?

Yohana 16:4

Ala án tí ngina dirhúng i oó' as kahhó' qoomaadá' bira xeér, kuungá' tí ka insleerá' asma ngaa geerií oó'.» «Tí iimu/uungo gár ngisa ooiiká, asma án nee kuungá' a dinkwa.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.