Luka 9:41 - Biblía Axweesantá Hhohho' ar Mungú 2004

⁴¹ Yesu iri oó', «Kuungá' múk de'emaaká' oo haratlintaao wásl oo aa paasl, án nee kuungá' ni al hotaatimaan ay xaylá?» Yesu heedaádá' guri báy, «Garmaawók diirií huwang.»

Ya/abtór hho' 1977

⁴¹ Yesu iri oó', “Kuungá' múk de'emaaká' oo haratlintaao wásl oo aa paasl, án nee kuungá' ni al hootaatimaan ay xaylá?” Yesu heedaádá' guri báy, “Na/aywók diirí huwang.”

Luka 9:41 Iomraidhean Croise

2 WAAWITÁ 5:8

Elisha heé Mungú adoorí ngiwa axaás, adór waawutmo tlabaawós ngira feehhamiís, afo gari ya/aáw amór waawutmo guri yaahaás, «Ahaá a milá, tlabaawók misa feehhamís? Heesíng amor'eénií huwang, as daqaní ngiwa tsaahhi adór baraá yaamaá Israeliro aarusmo ir deér.»

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 16:28

AAKOÓ MUNGÚ Mose guri báy, «Hara'ayduueé' nee daber'eene ki siaiinda' ay xaylá?

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

FAARO 14:27

«Daqtír múk tlákw i aníngií qununu/umaamit ay xaylá? Aníng aga slahhaá' qununu/oó xoorór Israeli danduueene.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 12:39

Giri báy, «Qartá tlaakw nee ar tsaatuuse i layár leelehhít. Ala layár ta slay i káhh, aqo har layár aarusmo Yona kilós.

Matayo 12:45

in tleér, neetlaamér hatlá' faanqw gan léhh, ar ak tlakw inós ba/a. Nee tari dah, tari baraadá' wa hoot. Nee tlehhemuú heewí in ak tlakúy ló'wa ale ta kuduú geera ba/a. Adoorí an adoodá' mukwí tlákw oo de'emaaká' ku laqi.»

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Matayo 23:36

Án a kah, kaangwí sleémeero ni hardah gawaá múk qartí.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Marko 10:14

Ala Yesu adoodá' ngiwa ár, iri ló'wa buúhh, giri báy, «Na/aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Marko 10:49

Yesu iri sihhiít iri oó', «Ateetare'.» Heedaáduú taampa kuri ateét, kuri báy, «Dae maweek, sihhiitáng, Yesu u ateetín.»

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Luka 8:25

Giri báy, «Haratlintaaorhúng aa keér?» Tari da'ayuút, tari waa/oó/, tari kilooín axweés tawa kaahi, «Heewí a heemá, kwí fur'a nee ma'aywo gi hara'ayiyiím, inooín ngu iialooeemisiyá'?»

Luka 9:40

Eeharuuseerók ana firiím ngiwa dux, ala gaa harslaaqát.»

Luka 9:42

Iwa amoodá' kay, na/aydá' neetlaame guri yaamií dáhh, guri pungaahhamuúr, Yesu neetlaame gari iigahhaát. Na/aay guri hungu/uús, guri dír baabuúwós i ki/ís.

Yohana 14:9

Yesu iri oó', «Án nee kuungá' ana alhootatimaán deeloorí yaariire, án kuúng i xu'ukáhe, Filípo? Heé aníng iga ar, Baabá gwa ár. Ala kuúng mas kat, ‹Baabá laqaamang?›

Yohana 20:27

Aluuwo Yesu iri oó' dír Tomas, «Diitsarók diirí qaaseek, nee dabaaeé' i qaytsiteegáy. Bihhiieé' kwatiiteek dakoge. Insareehhi maweek, ala haratlintií'.»

Tlehhema'aá ya/Abuuse 13:18

Giri geerahaár kureeri mibeeri tsiyáhh, ngiwa baraá xaanxáy wa sage qiqtlin.

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

DABE 32:5

Ala kuungá' tundu inkihhimu wásl dirose. Kuungá' a hariinda'aaká tawa na/iiwós. Kuungá' a qartá tlakuuse nee ar aa qwat.

Ebrania 3:19

Gawaá adoorihe aga araán adór dahmu ngura aleeslay'iiká, asma Mungú ngwa haratlinti'ii'iiká.

Ebrania 4:11

Ala atén gár tiwa hariím a ilakaaharu un tleehhaán tawa dahaan baraá hungu/umaadá', nee umuúqo heewo dahmaá baraá hungu/umaadá' mingiwa dakuús as dee/aanu, adoodá' inooín tara dee/aanuút.

Ebrania 4:2

Asma Ya/abtór hho' direne kinga alki/iít adoodá' kara alki/iít dír mukduú aange. Ala Ya/abtoodá' inooín gár ngiwa gaa bú' i káhh. Asma kaa axaás, ala kaa haratlintii'iiká baraá muner'ine.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.