Luka 9:33 - Biblía Axweesantá Hhohho' ar Mungú 2004

³³ Qoomár mukdá' tsár nee Yesu tiwa paraatliyé', Petro guri báy, «Aáko, ka hhoo' atén tawa diirí diriiaan. Isleeraá tám i tleehhaán. Oo wák a kók, kuquú Mose, kuquú Eliya.» Inós laatí gár i kaahi gaa xuiiká.

Ya/abtór hho' 1977

³³ Qoomár mukdá' tsár nee Yesu tiwa paraatliyé', Petro iri oó' dír Yesu, “Aáko, ka hhoo' atén tawa diirí diriiaan. Isleeraá tám i tleehhaán. Oo wák a kók, kuquú Musa, kuquú Eliya.” Inós laatí gár i kaahi gaa xuiiká.

Luka 9:33 Iomraidhean Croise

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 73:28

Ala dir'eene Mungú nguwa i tseewúw a gár ló' wa hhoo', AAKOÓ MUNGÚ a dír guway'eé'. Aníng tlehhmi'iiwók sleémeero i lamabu'uúm.

Matayo 17:14

Tindiwa hardáh dír boo/aay, heeko wák Yesu guri i daqáy, guri i tumbarara'aát,

Matayo 17:4

Petro Yesu gway báy, «Atén tawa diirí wa hootaan ka hhoóeéke? Isleeraá tám ngi diirí tleéhh. Kooko a kók, nee kooko oo Mose, kuquú Eliya.»

Marko 10:38

Yesu giri báy, «Gár ta fiririinda' a xua'aaká. Xooslmoodá' aníng ni wah, kuungá' u qitlá'a wahto? Laqaá baatísmoodá' aníng tir baatisi, kuungá' u qitlá'a?»

Luka 5:5

Simon iri oó', «Aáko, gadiyér ur tina ló'wa slaaqatís xweeraawo, ala gár taa slawaán i káhh. Ala as adoosíng taa oi baratsufaay u /aytiís.»

Luka 9:34

Inós iwa adoorí kaahi, huunki nina ti'ít, giri geehhantés. Tari da'ayuút tawa baraá mahhtír huunkidí dáh.

Luka 9:49

Yohane iri ilawaáts, iri oó', «Aáko, heé neetlaamér duxuúm ar umuuwók una araán. Kuri iigahhaataán asma inós nee atén ti alkoomanaaká.»

Yohana 14:8

Filipo iri oó', «Aáko, Baabá na diréní laqaamang, daqaní atene a ido.»

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.