Luka 9:11 - Biblía Axweesantá Hhohho' ar Mungú 2004

¹¹ Muu nguwa axaás kuri eehár. Giri dahi'ís, kángw waawuti'iimár Mungú guri dir'ín i axweés. Kudá' hungu/uumisuú sla'á' giri hungu/uumiís.

Ya/abtór hho' 1977

¹¹ Eemeé nguwa axás guri eehát. Giri dahi'ís, iidíguú waawuti'iimár Mungú guri dir'ín i axweés. Kudá' hungu/uumisuú sla'á' giri hungu/uumiís.

Luka 9:11 Iomraidhean Croise

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

Matayo 12:15

Yesu adoodá' ngiwa tsaáhh, iri tláy didaádae, múk yaariír guri eehár. Sleémeero giri hungu/uumiís.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Luka 1:53

Awa qwariitá' gaa aaxiís ar muruú hhó', nee daqaare gaa tawó ki/ís.

Luka 5:31

Yesu giri báy, «Múk slaqoohhó' qwaslaarmo gu leelehhitiiká, ala aqo har múk tiíq.

Luka 8:1

Aluuwo Yesu iri baraá gixsaduú wa hi'iimiít nee baraá ayeemo, i Ya/abtór hhó' alki/iit ar waawuti'iimár Mungú. Eeharuuseedá' mibaá nee tsár nee inós ti koná',

Luka 8:10

Giri báy, «Kuungá' xu'uti aga sleeré' daanduú naaqór baraá waawuti'iimár Munguhe. Ala múk hatlae an slaqsi'ír kaahaán, as kahhó' ta qaytsiiti makawa ár, nee ta axaasi ala makawa tsaáhh.»

Luka 9:10

Ya/abuuseedá' niwa kí/, muruudá' taa tleéhh sleémeero kuri dír Yesú ii alki/iít. Girira tláy ar sufa ay baraá gixsár ta bay Bet-saida.

Luka 9:12

Looa iwa darat eeharuuseedá' mibaá nee tsár guri i daqeér guri beér, «Muksíng watliseek, as tawa ki/i baraá tla/ángw áykwí alé, dír qatuuín kawa leeleehhi nee muruú /ayma, asma diirí ti diriiaan a baraá darmuú tawo.»

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Tlehhema'aá ya/Abuuse 28:31

Kángw waawuti'iimár Mungú guri alki/iít, nee kángw Aako Yesu Kristo guri intsaahhatimís ar pihh'uuma, nee heé inós gwa ilaa/ i kaahh.

Rumi 10:14

Ala adór kur ateeti kudaádá' inooín ta haratlintati'iiká. Nee slám adór kur haratlintii'i kudaádá' kangós inooín taa axaasiiká. Nee kangós adór kur axaasi, bar heé gu alki/iít i kaahh.

Rumi 10:17

Gawaá adoorihe gár haratlintaaór huwahuuw, a Ya/abtoodá' taa axaás, nee Ya/abtoodá' baraá axweesantá Kristo gan dáhh.

Rumi 15:3

Asma Kristo sleeme taa kilós sla'atisiiká. Ala inós gooirí gana boo/eés, tí kah, «Niqimisuudá' kuúng tura niqimís nee muu, aníng una sláw.»

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.