Luka 9:1 - Biblía Axweesantá Hhohho' ar Mungú 2004

¹ Eeharuuseedá' mibaá nee tsár gari ateét, gari aleesleemuú i haniís nee /uuru, oo neetlaame sleémeero kawa duxun nee tiqtuuse kawa hungu/uumisi.

Ya/abtór hho' 1977

¹ Eeharuuseedá' mibá nee tsár gari ateét, gari aleesleemuú i haniís nee /uuru, neetlaame sleémeero kawa hingeemisi nee tiqtuuse kawa hungu/uumisi.

Luka 9:1 Iomraidhean Croise

Matayo 16:19

Nee aníng gweermór waawuti'iimár doori ngi dirógií haniís. Nee umuúqo gaaro ar kuúng ta tsek baraaká' yaamuwo, gawaá dooriiwo sleeme ka tseek. Slám umuúqo gaaro ar kuúng ta gwet baraaká' yaamuwo, gawaá dooriiwo sleeme ka gweer.»

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Matayo 8:9

Asma aníng sleeme múk i baliít i deer, slám askaárír án ni baliit i deer. Kwí bura báw, ‹Tláw,› aqo in tláy, nee kwí bura báw, ‹Qwaláng,› aqo nin hardah. Nee lawaalmooeé' bura báw, ‹Adoorí tleehheek,› aqo gan tleehh.»

Luka 10:1

Aluuwo Aako eeharuusér hatlá' mibeeri faanqw nee tsár gana tsawaár. Giri ya/aáw tiwa tsádér wa koomakona', tawa girin dirose, umuúqo didá' inós i keemuú wa slai, baraá gixsadu nee amór hatlae.

Luka 10:19

Ga/aawaagáy, aleesleemu nguna haniís oo dayshe nee xiiraawe kiwa adarata', nee /uuruú kuduú wakusmo kuwa arba/a, tam gár kuungá' nu aw i káhh.

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 3:16

Heewí kuungá' ta ga/eera' nee oo ta xua', heé inós gwa /uurií haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yésú daahh, adoorí kuungá' sleémeero kur ga/eera'.

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.