Luka 8:47 - Biblía Axweesantá Hhohho' ar Mungú 2004

⁴⁷ /Ameenidá' ngiwa tsáhh adór lu/uto tir asleeraaká, ina hardát ar daaraxaay, iri tumbarara'át dír geeraá Yesu. Gár ngusa kwatít gari ó' dír geeraá muu sleémeero wa ale, nee adoodá' ira hara hungú/ hamtidár kilae.

Ya/abtór hho' 1977

⁴⁷ /Ameenidá' ngiwa tsáhh gídaabá lu/uto ti asleeraaká, nina hardát ar daaraxaay, iri tumbarara'át dír geerá Yésú i alé. Gídaabár ngusa kwatít gari ó' dír geerá muu sleémeero wa ale, nee adoodá' ira hara hungú/ hamtidá' alé.

Luka 8:47 Iomraidhean Croise

WARA'AMI 2:11

AAKOÓ MUNGÚ sagadiyuusaak ar ilaiwa/ame, i tumbarara'ataak ar daaraxaay,

WARA'AMI 38:9

AAKOÓ MUNGÚ, tidá' sleémeero ni slaa' kuúng a xú', niwa /aa/amiim ar /ifo ti geetlakweeká diroge.

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

HOSEA 13:1

Múk Efraimu iwa ilawaáts, muu iri daaraxaát, múk Efraimu iri iiatleerúy baraá Israeliwo, ala mungú Ba'ali nguri sluufmisiyé', tari qaátl as adoorí.

HOSEA 5:3

Aníng múk Efraimu u xuú', tam múk Israeli dir'eene aa nahhaatiiká. Asma daxta kuungá' múk Efraimu a fuqusá', as adoorí inooín kaa meetagaás.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 28:8

Tari tláy ar gaanslaay dír /aantár wa ale, ar dae nee qwal/uú úr. Tari ta'aaín, eeharuuse kari ádbeemuú áy.

Marko 5:33

/Ameenír aáng iri daaraxát daeero, asma gaa xú' gár ga wa tleehharut, iri hardát amór Yesu, iri dír ya'aawós i tumbarara'át, looeema sleémeero giri dirós i alki/ít.

Luka 8:46

Yesu iri oó', «Hee iga kwatiít, asma aga tsaáhh adór /uuruueé' oo hungu/uumis ir gadiyuús dír heekó wa ale.»

Luka 8:48

Gari báy, «Dási, haratlintaaoorók iga hungu/ús. Tláw ar wayda.»

Tlehhema'aá ya/Abuuse 16:29

Xuumusmoodá' tsaa'asi gari firín kawa huwi. Iri dáh ay baraá do', i hara daaraax as dae. Iri tumbarara'aát dír Paulo nee Sila.

1 Korinto 2:3

Gawaá adoorihe aníng niwa hardáh, ti daqatlaákw ana daaraáx daeero.

2 korinto 7:15

Kuungá' inós una ilaiwa/amér i tlehhé', nee una ilaoté' ar dae nee daaraxaay. Inós qoomár adoorí birngaa insláy, sla'aarirós dirhunge i ló'wa tlahhaatláhh.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

1 SAMUELI 16:4

Samueli adoodá' AAKOÓ MUNGÚ aa hara'ayín gari tleéhh, iri tláy amór gixsár Betilehemu. Bariisér aya guri al'eér ar daaraxaay, tari oó', «Gaa ka hhoóe?»