Luka 8:44 - Biblía Axweesantá Hhohho' ar Mungú 2004

⁴⁴ Ina alaá Yésúr ót, guri pasltá inqwaari kwatít, nee hamtidár kilae tseerduuwós niri qawiyé'.

Ya/abtór hho' 1977

⁴⁴ Ina alaá Yésúr ót, guri pasltá inqwaari kwatít, nee hamtidár kilae tseerduuwós niri qawiyé'.

Luka 8:44 Iomraidhean Croise

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 20:34

Yesu guruuwós iri tláy, ilaaín giri kwatiít. Siiwadár kilae ilaaín niri qaytsitiyé', Yesu kuri eehár.

Matayo 8:3

Yesu guri dakós i gan'aás guri kwatiít, guri báy, «Án a slaá', hhoohhooúw.» Hamtidár kilae tiqtirós tidár tsatmit iri hungú/.

Matayo 9:20

Siiwadár kilae /ameenirka wák ar tiqtír ubíngw tseerdu nina hardát. Inós i tiqaaqiín ay kureeri mibaá nee tsár. Ina amór alaá Yésúr ót, guri pasltá inqwaari kwatít.

Marko 6:56

Nee umuúqo dír aa kayi baraá gixsaduuwo nee tla/ángw ayko tiqtuuse kana dinkwarí burumbuúr didár boo/aay. Kuri harhheehhe'eemiís kuwa kwatiiti tam pasltá inqwaarirós. Nee kudá' sleémeero ngwa kwatimiitiye' tari hungaaguú/.

Luka 13:13

Yesu dabaawós giri gawaá /ameenidá' i qaás. Inós hamtidár kilae iri ganá', Mungú guri xirfayeemís.

Luka 7:38

iri alaá Yésú ii sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

Luka 8:43

Nee /ameenirka i deer ar tiqaaqiim kureeri mibaá nee tsár ar tiqtír ubíngw tseerdu. Daqaari'iimarós sleémeero gana qwaslaarér i fák, ala oo gaa hungu/uus i kaahh.

Luka 8:45

Yesu iri oó', «Heé án iga kwatiit a heemá?» Umuúqo heewo iri oó', «A aningeeká.» Petro iri oó', «Aáko, múk yaariír kwí kuúng una harweér nee ugwa tliíq.»

Yohana 5:13

Ala heedaádá' inós gwa hungu/uus umuuwós gu xuiiká'. Asma Yesu qoomaadae taa paraátl, asma didaádae muu qoomaadae ku úr.

Tlehhema'aá ya/Abuuse 19:12

Tam warqama' nee inqwar kudá' inós aa tsiít geeraawo, kiri huúw amór tiqtuuse, tiqtir'ín tidá' iri hungú/, tam neetlaame sleeme giri geemeér.

Tlehhema'aá ya/Abuuse 5:15

Tam tiqtuuse sleeme kari huwahuúw ar falo nee ar hhafeeto afaá loohír i ale, as geehhaantamoó Petro ngiwa slay qoomár inós bir waaraahh.

DABE 22:12

«Inqwaarirók ar tsitaay paslemoowós tsiyahhaawo afuuntlureek.