Luka 8:42 - Biblía Axweesantá Hhohho' ar Mungú 2004

⁴² asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Ya/abtór hho' 1977

⁴² asma dasiirós i afkwá bohóngw i dirí', tidá' wák ayír'ine, nee kureeriiwós a mibá nee tsár. Yesu iwa amoodí tláy, muu guna ló'wa tliíq.

Luka 8:42 Iomraidhean Croise

YOBU 4:20

Hee slafiingós oo qoomár niina bira sa kahhuút, sleeme ku baloó inslayká.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

ESEKIELI 24:16

«Heewí, ga/aaweek, slahhtá wake sla'aaruso'oorók a hingeés, ala ma tsuunqusaar, laqaá ma /aa/aar, tam hhirhheeriwók mindiwa ti'itiyé'.

ESEKIELI 24:25

AAKOÓ MUNGÚ ina báy, «Heewí, bál gadaádá' inooín i harahhifiya' bara hingeés, tidár qwal/uuín nee xirfuuín, didií ló'wa slaiya' xuxu'uungo, na/ii'ín awa daaqaay nee awa dasuuwo in hingeés,

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Marko 5:24

Tiri koné' nee inós. Mukdá' yaariír guri eehár ar tliqa.

Luka 7:12

Dír dahmuú gixsa kuwa áy, tuuarka kana didií áy, kingi tsee/áy loohiis. Inós a na/oó garma oo wák dír aayoorose, slám aayoorós a kwaalo'o. Múk yaariír oo baraá gixsa nee inós ti koná'.

Luka 8:41

Heeko wák ta bay Yairo nina hardáh. Inós a heé úr oo doó saaliingw. Ina tumbarara'aát dír ya'aá Yesu, nguwa harhheehhe'eemisi iwa amór do'ós kay,

Luka 8:43

Nee /ameenirka i deer ar tiqaaqiim kureeri mibaá nee tsár ar tiqtír ubíngw tseerdu. Daqaari'iimarós sleémeero gana qwaslaarér i fák, ala oo gaa hungu/uus i kaahh.

Luka 8:45

Yesu iri oó', «Heé án iga kwatiit a heemá?» Umuúqo heewo iri oó', «A aningeeká.» Petro iri oó', «Aáko, múk yaariír kwí kuúng una harweér nee ugwa tliíq.»

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.