Luka 8:25 - Biblía Axweesantá Hhohho' ar Mungú 2004

²⁵ Giri báy, «Haratlintaaorhúng aa keér?» Tari da'ayuút, tari waa/oó/, tari kilooín axweés tawa kaahi, «Heewí a heemá, kwí fur'a nee ma'aywo gi hara'ayiyiím, inooín ngu iialooeemisiyá'?»

Ya/abtór hho' 1977

²⁵ Giri báy, “Haratlintaaorhúng aa keér?” Tari da'ayuút, waa/oo/amo gay eér, ta kilooín axwees ta kaahi, “Heewí a heemá, kwí fur'a nee ma'aywo gi hara'ayiyiím, inooín ngu ilaiwawa/iyá'?”

Luka 8:25 Iomraidhean Croise

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

AXWEESANOÓ SAGALOOA 8:29

qoomár tlawi ngiwa digmuuwós i qaás, as ma'aá tlawi hara'ayaarós mingiwa si'iyé', qoomár iihhafirír yaamu ngiwa qaás,

Matayo 14:31

Siiwadár kilae Yesu dakós guri gan'aás, dákw Petro guri óh, guri báy, «Kuúng haratlintaaoorók ka tsuwa niina. Asma milá masa xurút?»

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Matayo 6:30

Bar Mungú /ayór baraá qamu gan adooqár tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitísiíke, kuungaásingá' haratlintaao niina.

Matayo 8:10

Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Marko 4:35

Baalaadár kilae tsiindo niwa xayé', eeharuuseerós gari báy, «A gayuuqá' i waarahhaán.»

Luka 12:28

Ala bar Mungú /ayór yaamaá tawór wa ti'imiit gan tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitiísiíke? Kuungá' mustundu haratlintaao niiná.

Luka 8:24

Tari Yésú tleesár áy ta kaahi, «Aáko, Aáko, aga qwaaraán.» Iri tláy, fur'a gari iigahhaát, nee ma'aydá' tsifaqamiitá'. Fur'a nee ma'aywo nay xasliitiyé', umuú gaaro iri xaslít.

Luka 8:26

Tari ti'iít yaamaá kaahaar, yaamaá múk Gerasi, kudá' naa Galiláyár qone'.

Yohana 11:40

Yesu iri oó', «Án kiíng iga báwiíke, bara haratlintí', xirfuú Mungú u aán.»