Luka 8:18 - Biblía Axweesantá Hhohho' ar Mungú 2004

¹⁸ «Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

Ya/abtór hho' 1977

¹⁸ “Gimsé', iiár i qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.”

Luka 8:18 Iomraidhean Croise

AXWEESANOÓ SAGALOOA 14:12

Loohirka hee birngi ga/áy kwaáo' i qoón, Ala laatí aluuwo a loohír gwa'ara.

Matayo 13:12

Asma umuúqo heewo oo gár koóm, ka dook. Slám kay tlahhasa hhe'ees. Ala umuúqo heewo oo gár koomaaká, tam tidá' niina i kon ka hayoh.

Matayo 25:29

Asma umuúqo heewo oo gár koóm, ka haniis, nee kari dooga hhe'ees. Ala kudá' gár koomaaká, tam tidá' niina i kon ka hayoh.

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

Luka 19:26

Aakoodá' giri báy, ‹Aníng kuungá' nu baw, umuúqo heewo oo gár koóm ka haniis, nee kudá' gár koomaaká, tam tidá' i kon ka hayoh.

Luka 9:44

«Axweesantí ooha hhe'eesaak baraá iaahunge, ‹Garmoó Hee ku gawaá dabaá múkwí qaas.› »

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Tlehhema'aá ya/Abuuse 10:33

Nee hamtidár kilae án muu nguri ya/aáw ay amoorók. Nee kuúng adór hhoo' aga tléhh niwa hardát. Ala hám daxta atén sleémeero a dír geeraá Mungú i diriiaán, as tidá' sleémeero ar Aako naa kuúng i hara'ayín kawa axaasaan.»

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

1 Korinto 8:2

Hee bir kaahi, «Aníng gaarí a xuú',» inós gadaádá' gaa baloó xuiiká ar adoodá' kus hariím xu'utiro,

Filipi 3:4

Tlehhma'aá tawo geera bir bu'uutiyá', aníng gár ni da'ayuumiit i káhh. Umuúqo heewo geera bar tlehhema'aá tawo gin haraxu'utír wa slaa', geera alók aníng i baá/.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.