Luka 8:15 - Biblía Axweesantá Hhohho' ar Mungú 2004

¹⁵ Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Ya/abtór hho' 1977

¹⁵ Kuduú baraá hhapér hho' an mukdá' axweesani gaa axaas, kari ooha hhe'eés ar munér ganaa' nar hho', iri laqwál ar qitla.’”

Luka 8:15 Iomraidhean Croise

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 32:29

Múk Kaldayo kwí gixsarí ga i slaáqw, nin hardah, gixsa kari ásltí qaas, dinkwa nee maraydá' gawaá daáriro tawa mooyángw da/aa/an dír munguúdá' ta bay Ba'ali, nee ilahhooár difaái kawa tsiririximisi dír munguaá hatlá', as aníng tiwa mune duuxi.

Matayo 24:13

Ala heé ba/ám a kudá' aa qiitl ay alhhe'eesaay.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 6:45

Heé hhoó' gár i axweesi a hhooeemaadá' muunaáwós ngwa hatsiisiye'. Heé tlaákw gár i axweesi a tlakweemaadá' muunaáwós ngwa hatsiisiye'. Asma afkú hee gár i axweesi a tidá' muunaáwós iwa hatsi.»

Luka 8:14

Kudá' paahh baraá laqaya', an slaqsoó mukdá' gaa axaas, baraá hotaaine kiri tliíq nee daawitame nee daqaari'iima nee qwal/amaayér slafíngw baraá yaamu, axweesantadá' mamuuwós gay hamaaresiká.

Luka 8:16

«Hee i kaahh oo tsaa'asi birnga hhe'eés da/ato, ga tuuntuúk, laqaá ngiwa qaasi baraá guruú qatani. Ala gan qaas dír geehhoo', asma mukdá' daraha gwa/aateema ngiwa ari.

Yohana 14:15

«Án bira slaé', hara'ayar'eé' a otá'.

Yohana 15:10

Kuungá' bar hara'ayar'eé' aga oté', a hotá' baraá sla'aarir'eé' wa ale, adoodá' aníng hara'ayár Baabuúeé' ngira óh, nee nira hoót baraá sla'aarirós wa ale.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Rumi 7:18

Asma aníng aga xuú' gár hhoo' ar baraaeé' wa hoot i káhh, gídaabá baraá slaqwte'eé'. Tidá' hhoo' ngiwa tleehh a slaá', ala tleehhamooro a aleeslawaaká.

Rumi 7:4

Kuungá' sleeme a adoosíng, hhaee'eé'. Asma adoodár Kristo ira gwaá', kuungá' sleeme ana qatlé', nee slám kuungá' a baraá waawuti'iimár hara'ayár i dir'a'aaká. Kuungá' a múk heé hatlá', kudá' naa waaslee/ baraá múk aa qaátl wa ale. Gawaá adoorihe tlehhma'aá hhohho' in tleehhaán awa Mungú ngu qwal/atisá'.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

1 Korinto 7:19

Hee burkwa al/uútl, laqaá burkwa al/utliiká, a gaarooká. Ala hara'ayár Mungú ka iialooeemisi.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Yakobo 1:4

Ala qiqtliingw gadiyér ganaa' ngi tleehhi, as masók kuungá' tawa múk ganaá' baraá umuúqo gaaro, nee tawa múk qoóm, slám kuungá' gár nuwa /aaruw i káhh.

1 Yohana 2:3

Hara'ayaarós bara oohaán, daqaní aga tsaahhaán adór kura xuaán.