Luka 8:1 - Biblía Axweesantá Hhohho' ar Mungú 2004

¹ Aluuwo Yesu iri baraá gixsaduú wa hi'iimiít nee baraá ayeemo, i Ya/abtór hhó' alki/iit ar waawuti'iimár Mungú. Eeharuuseedá' mibaá nee tsár nee inós ti koná',

Ya/abtór hho' 1977

¹ Aluuwo iri hii'imiít baraá gixsaduú wa ale nee baraá aya, i Ya/abtór hhó' alki/iit ar waawuti'iimár Mungú. Eeharuuseedá' mibá nee tsár nee inós ti koná',

Luka 8:1 Iomraidhean Croise

Matayo 11:1

Yesu eeharuuseerós tidá' mibaá nee tsár hara'ayaaro ngiwa hhe'eés, iri tláy didae, iri intsaahhatimisuú áy, Ya/abtór hho' gari alki/iít baraá gixsaduuín wa ale.

Matayo 13:19

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa baraá muunuú heéwi dahaás guri hingees. Kwí an kudá' aa paahh afaá loohi.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Matayo 9:35

Aluuwo Yesu gixsadu sleémeero nee ayeemo gina alhi'iimiít. Iri baraá maraá saalingw'ín wa intsaahhatimís. Ya/abtór hho' ar waawuti'iimár Mungú gari alki/iít, nee tiqtuuse sleémeero gari hungu/uumiís, nee slaqwaatlakwér dimbadimbé sleeme.

Marko 1:39

Iri daqáy baraá ayaá Galilaya sleémeero, iri alki/iít baraá maray'ín awa saaliingo, nee neetlaame gari hingeemiís.

Luka 1:80

Na/aydá' iri uráy, /uuruuwós iri doogín oo qeeru. Iri baraá darmuú wa hoót ay baalaadá' iwa amór múk Israelírí ti'iít.

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Luka 9:6

Tari tláy tari hi'iimiít baraá ayko, Ya/abtór hho' kari alki/iít, nee muu kuri hungu/uumiís umuúqo diiro.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 13:32

Nee atén hamí a diirí diriiaán as Ya/abtoorí hho' ngiwa dirhúngí alki/iitaan tidá' Mungú a al'axweés dír baabi'iirén.

Rumi 10:15

Nee slám hee adór ngur alki/iiti burkwa ya/aawiiká. Asma Gooi i kat, «Mukdá' Ya/abtór hho' alki/iít hardahamuuín ku slaa' ló'wa ale.»