Luka 7:46 - Biblía Axweesantá Hhohho' ar Mungú 2004

⁴⁶ Kuúng sagw'eé' ugwa di/tár slikiká, ala /ameenirí ya'aaeé' gina mooyángw ar slík.

Ya/abtór hho' 1977

⁴⁶ Kuúng sagw'eé' ugwa di/itár slikiká, ala /ameenirí ya'aaeé' gina mooyángw ar slík.

Luka 7:46 Iomraidhean Croise

2 SAMUELI 12:20

Naagáy Daudi adoorí ngiwa axaás, iri sihhiít yaamuú wa ale, iri hamtlín, tari sliík di/ito. Tlabaawós giri warqeés, iri tláy baraá Doó AAKOÓ MUNGÚ, guri sluufiís. Kár, nari kií/ amór do', muruú /ayma guri yaahaás, kuri sláy, inós iri /ayín.

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

WARA'AMI 23:5

Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

DANIELI 10:3

Muruú /aymár hhó' ugwa /ayiiká, fu'unaay laqaá difaái iga kwatitiiká nee sleeme di/i aga slikiiká har afiqoomár wiikidaá tame.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

MIKA 6:15

A dahaasiindá', ala a bu'uunda'aaká. Di/i a tlehhitá', ala a slikiinda'aaká. Na/aá sabiíbu i tsoo/itá', ala ma'aywós i wahaanda'aaká.

Matayo 6:17

Ala kuúng bara gwaawiín, sagók slikeek di/ito, nee gitsee/aawók ki hamátl.

Luka 7:47

Gawaá adoorihe án a kah, sla'aarirós tidá' ur gan laqaqaán as tlakweemaawós awa yaariir kiwa gurtláy. Ala heé taa tlakweemaá niiná wa gurtláy, sla'aarirós ka niina.»

RUTI 3:3

Gimáy, tláw, hamtliím, di/i slikeek, tlabaawók awa hhohho' tsiiteek. Daqaní ta tleér ay didá' iwa haritleemisi. Ala inós kiíng miwa ár ay dír inós /ayma nee wahaango i hhe'eesi.