Luka 7:39 - Biblía Axweesantá Hhohho' ar Mungú 2004

³⁹ Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

Ya/abtór hho' 1977

³⁹ Heedaáduú Farisayo oo Yesu gwaa dír do'ós i huuw, adoodá' ngiwa ár, ina baraá muunaáwós i oó', “Heewí geera bar aarusmo, /ameenirí gu kwatimiit gaa tsaáhh gídaabá a heemá nee a heé adoomá, asma a tlakuso'o.”

Luka 7:39 Iomraidhean Croise

2 WAAWITÁ 5:20

Gehasi, sagadiyusmoó Elisha heé Mungú iri baraá guruuwós i oó', «Hám qaytsiít, aakooeé', muruudá' Na'amani heé Aramu naa huúw gwa sií' ooharo. Ar adoodá' AAKOÓ MUNGÚ ir hotaatina, aníng un alta'aaím as gaa ngiwa slaw dirose.»

AXWEESANOÓ SAGALOOA 23:7

Asma baraá muunaáwose muruú /aymaadá' kuúng ta /ak gun fadiit, Inós i amoorók i kaahi, «/Ayimáng, wáh sleeme.» Ala baraá muunaáwose kuúng u ga/ayká.

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

Matayo 20:16

Yesu iri ilawaáts giri báy, «Gawaá adoorihe, kudá' alaá hará' ta geerií waaraahh, nee kudá' geeraá hará' ta alhhe'eesáy kii/.»

Matayo 21:11

Boo/aydá' Yesu gwa eehar iri oó', «Heewí a aarusmo Yesu, oo baraá Nasaretír Galilayár daáhh.»

Marko 7:21

Asma inslawoó tlákw ám ni dahhi a baraá muunuú hee, kudá' hee iwa fuqtá ay, nee iwa fiisór ay, nee iwa tsu/tár ay,

Luka 12:17

Iri kilós baraá muunaáwósí oó', ‹Adór ni laaq a adoomá? Asma dír balangw'eé' nguy qaas i káhh.›

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 16:3

Aluuwo heedaádá' iri baraá muunaáwósí oó', ‹Adór ni laaq a adoomá? Asma daqaarmooeé' kwí i hingeemiis baraá gadiyeérose. Doosla a aslawká. Firooro a muruumiít.

Luka 18:4

Nee har'ohusmoodá' iri ala sií', aluuwo iri baraá muunaáwósí oó', ‹Aníng a Mungú ilaiwa/aa/ataaká, slám muu u gaárí xuaaká.

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Luka 7:37

/Ameenirka wák ar baraá gixsadá' ar tlakuso'o, ngiwa axás adór ir dír /aymárí dirii'i baraá doó heedaáduú Farisayo, chupiito'ór mooyaangw ar taa tleéhh ar tleeír ta bay Alabasta ngina húp,

Luka 7:38

iri alaá Yésú ii sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

Luka 7:40

Yesu iri ilawaáts, iri oó', «Símon, gár ni kuúng i ooár wa slaa' i deer.» Iri oó', «Intsaahhatusámo, ooang.»

Yohana 4:19

/Ameenidá' guri beér, «Aáko, án kuúng ugwa tsaáhh adór kuúng tar aarusmo.

Yohana 7:12

Múk yaariír iri qununuú/ baraá boo/aydae daanduú Yesuwo. Bahh'alé tari oó', «A heé hhoó'.» Bahh'alé ta kaahi, «Aasla'áy, in múk al/agín.»

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»