Luka 7:38 - Biblía Axweesantá Hhohho' ar Mungú 2004

³⁸ iri alaá Yésú ii sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

Ya/abtór hho' 1977

³⁸ iri alaá Yesú i sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

Luka 7:38 Iomraidhean Croise

IIMU/UUNGW 18:4

Ma'aá niiná kingi huuw as ya'aahúng kiwa hamtla', ta hungu/usá' baraá gamuú xa'anoowí.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

WARA'AMI 38:18

Ala tlehhmi'iieé' awa tlakw in hhu'u'uúm, gurhaami ina ót as tlakweemaaeé'.

WARA'AMI 51:17

Ilahhooár muruú ta tsu/i ar Mungú i ilaoohi a qeeruú aa ya/an amoorós i ale, a muunuú aa gwadiidin nee oo aa dutlutlu/uut, asma Mungú gu waaqaaiiká.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

DAA'AANGW 1:3

Mooyángw di/tók tidár slikiingw naa tláy, Umuuwók a adór mooyángw taa tsipipi'iís, an gár /ameena kuúng us sla'.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 5:4

Múk amohhoó' a kudá' gurhaamuút, asma inooín gurkwa/asa ngi slayá'.

Luka 22:62

Petro iri tsee/áy ti'iít, iri ló'wa /aa/amín.

Luka 6:21

Múk amohhoó' a kuungaásíng qwariitá' hamí, asma a axá'. Múk amohhoó' a kuungaásíng /aa/amiimá' hamí, asma a qaseendá'.

Luka 7:37

/Ameenirka wák ar baraá gixsadá' ar tlakuso'o, ngiwa axás adór ir dír /aymárí dirii'i baraá doó heedaáduú Farisayo, chupiito'ór mooyaangw ar taa tleéhh ar tleeír ta bay Alabasta ngina húp,

Luka 7:39

Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

Yohana 11:2

Maria tidá' ya'aá Aako gaa slik ar di/tá mooyángw koom, giri fíts ar se'éngw sagós. Hhiyaawós Lasaro i tiiq.

Yakobo 4:9

Gurhaamuuté', nee tsuunqumisé', nee /aa/amiimé'. Qasengwhúng i warqay tawa tsuunqumis, nee qwal/uuhúng i warqay tawa gurhaami.