Luka 7:37 - Biblía Axweesantá Hhohho' ar Mungú 2004

³⁷ /Ameenirka wák ar baraá gixsadá' ar tlakuso'o, ngiwa axás adór ir dír /aymárí dirii'i baraá doó heedaáduú Farisayo, chupiito'ór mooyaangw ar taa tleéhh ar tleeír ta bay Alabasta ngina húp,

Ya/abtór hho' 1977

³⁷ /Ameenirka wák ar baraá gixsadá' ar tlakuso'o, ngiwa axás gídaabá i dír /aymár i dirii' baraá doó heedaáduú Farisayo, chupiito'ór mooyaangw ar tlaa/anoó miisli ngina húp,

Luka 7:37 Iomraidhean Croise

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Luka 19:7

Muu adoodá' ngiwa ár, sleémeero tari qununuú/, tari káh, «Aa dáh baraá doó heé tlakweemaá koóm.»

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 5:32

Aníng naa hardihiiká as múk hota ganaá' ateetiim, ala nina hardáh as tlakuuse iwa hhu'u'uun.»

Luka 7:34

Garmoó Hee niwa hardáh, i /ayín nee i wahán, kuungá' a kata', ‹Ga/aawaagáy, hheehhusmoowí nee xuufutusmo, mulqumoó ohomuusér koódi nee tlakuuse.›

Luka 7:36

Heeko wák oo Farisayo Yesu guna dah'ís, iwa dír do'ós wa /ayin. Iri dáh baraá doó heedaáduú Farisayo, iri iwiít dír muruú /ayma.

Yohana 11:2

Maria tidá' ya'aá Aako gaa slik ar di/tá mooyángw koom, giri fíts ar se'éngw sagós. Hhiyaawós Lasaro i tiiq.

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

1 Timoteo 1:9

Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

1 Petro 4:18

Asma Gooi i kat, «Ala barnaxes ba/amár heé hota ganaá' a gár gawit, xáy, a adoomá dír heedaádá' Munguú ilaiwawa/aakahe nee oo tlakusmoowo.»