Luka 7:14 - Biblía Axweesantá Hhohho' ar Mungú 2004

¹⁴ Yesu iri tseewúy, xaaiidá' kingir gagarin giri kwatiít, mukdaádá' ga loohiís tari sihhiít. Iri oó', «Gárma, án a kah, kuúng tlawáng.»

Ya/abtór hho' 1977

¹⁴ Iri tseewúy, xaaiidá' kingir gagarin giri kwatiít, mukdaádá' ga loohiís tari sihhiít. Iri oó', “Gárma, án a kah, kuúng tlawáng.”

Luka 7:14 Iomraidhean Croise

1 WAAWITÁ 17:21

Naagáy Eliya tiri gawaá garmaadií alduúx sagaá wa tám, nee AAKOÓ MUNGÚ guri firín, «Aá AAKOÓ MUNGÚ, Munguúeé', na/aywí slafiíngwí ki/isek.»

1 WAAWITÁ 17:22

AAKOÓ MUNGÚ firór Eliya gari iiárií qaás, na/aydá' niri waasleé/.

YOBU 14:12

an adór hee ir gwaai, iri baloó sihhitiiká, Ay dír doori nay ilaáwá qwaariya' i tlayká, sleeme ku gwarangwariiká.

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

Marko 5:41

Dasiidá' gari dawa óh, gari báy, «Talita kum,» gídaabárós, «Dási, án a kah tláw.»

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Luka 7:15

Heedaáduú tuua iri tláy, iri iwiít, iri ilawaáts. Guri aayoorós i haniís.

Luka 7:17

Tí Yesu aa tleéhh iri tsiyaayaaxát yaamaá Yudea sleémeerowo, nee baraá yaamu sleémeero awa inslaawaydá'.

Yohana 11:25

Yesu gari báy, «Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

Efeso 5:12

Asma muruudá' ta tlehhahhiti baraá lu/aaráy wa ale, tam kuwa axweesi a mure kángw kilá' wa ale.