Luka 7:13 - Biblía Axweesantá Hhohho' ar Mungú 2004

¹³ Qoomár Aako ngiwa ár, guruuwós iri tláy, gari báy, «Ma /aa/amiimaar.»

Ya/abtór hho' 1977

¹³ Aako ngiwa ár, gari gurtláy, gari báy, “Ma /aa/amiimaar.”

Luka 7:13 Iomraidhean Croise

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

Marko 8:2

«Aga gurhaamuút asma boo/aywí, asma deeloorí tamaawo án nee inooín a dinkwárií diriaán, ala daxta muruú /ayma aa faák.

Luka 10:1

Aluuwo Aako eeharuusér hatlá' mibeeri faanqw nee tsár gana tsawaár. Giri ya/aáw tiwa tsádér wa koomakona', tawa girin dirose, umuúqo didá' inós i keemuú wa slai, baraá gixsadu nee amór hatlae.

Luka 11:1

Yesu iwa dirká wa firiirin, firooro iwa hhe'eés, kuri báy nee eeharusmoowós oo wák, «Aáko, atén ti intsaahhatis firooro, adoodá' Yohane eeharuuseerós ngira intsaahhatís.»

Luka 11:39

Aako iri oó', «Kuungá' múk Farisayo daanduú isaangi nee oo qwaree/amo in hamtlitá', ala baraahunge gár aa hats a /ayta nee tlakweema.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Luka 13:15

Ala Aako heedá' úr oo doó saaliingw guri báy, «Kuungaá hhaahhafuúse. Umuúqo heewo dirhunge deelór Sabaátoro awuuwós laqaá daqwaywós gu duúxiíke baraá matla/aango as nguwa wahaasár ay.

Luka 17:5

Aluuwo Aako ya/abuuse guri beér, «Haratlintaaoorén na doogang.»

Luka 17:6

Aako iri oó', «Bar haratlintaaór har qoomoó ilmoó haradaáli a koondá', a aleesleerá' /aantsírí kawa beera', ‹Quútl diirihe, ti hatltá eer baraá tlawi›, alók geera /aantsí nun iialooés.»

Luka 18:6

Aako iri oó', «Har'ohusmoodá' gan'amuú tlehhiitaaká ugwa axasí'iíke adór aa káh.

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Luka 22:61

Aako iri warqáy, iri qaytsiít amór Petro. Petro /aymi'iidá' Aako aa oó' giri insláy kudá' nguwa báy, «Laarí konkomo iwa uui, án kuúng iga sagaáwa tám wa tlánk.»

Luka 24:3

Tari dáh baraá baa'a, ala slaqwtá Aako Yesu kaa ariiká.

Luka 24:34

Eeharuuseedá' taa Yerusalemúrí áy iri ó', «Ar ló', Aako naa waasleé/, Simon nguna ár.»

Luka 7:12

Dír dahmuú gixsa kuwa áy, tuuarka kana didií áy, kingi tsee/áy loohiis. Inós a na/oó garma oo wák dír aayoorose, slám aayoorós a kwaalo'o. Múk yaariír oo baraá gixsa nee inós ti koná'.

Luka 7:14

Yesu iri tseewúy, xaaiidá' kingir gagarin giri kwatiít, mukdaádá' ga loohiís tari sihhiít. Iri oó', «Gárma, án a kah, kuúng tlawáng.»

Luka 7:19

gari ya/aáw amór Yesu, kuwa yaahasi gídaabá, «Kuúng an kudá' hardáha, laqaá heé hatlá' un daamaán?»

Luka 8:52

Muu sleémeero tawa na/aydá' satsuunqumiisi, giri báy, «Ma /aa/amiimara', aa gwaiká, ina gú'.»

Yohana 11:2

Maria tidá' ya'aá Aako gaa slik ar di/tá mooyángw koom, giri fíts ar se'éngw sagós. Hhiyaawós Lasaro i tiiq.

Yohana 11:3

Hhaeedá' niri ya/abiné' amór Yesu, kuri báy, «Aáko, mulqumoowók i tiiq.»

Yohana 20:13

Malaykeedá' iri ó', «Aáyo, gár ta /aa/amiin a milá?» Inós iri ó', «Asma Aakooeé' kwa hingeés, nee aníng a xuaaká amór kway qaás.»

Yohana 20:15

Yesu gari báy, «Aáyo, ma /aa/amiín? Heé ta leelehhit a heemá?» Inós geera ngi xu', a heé asalmoó amohhe'eemamiís, iri ó', «Aáko, barnaxes kuúng una hingés, amór kway qás ooang, aníng daqaní u leéhh.»

Yohana 4:1

Yesu gay tsaáhh adór múk Farisayo ngira axaás gídaabá, Yesu eeharuusér yaariir gaa sláy ta Yohanewo, nee giri baatimiís.

Yohana 6:23

Ala miringér hatlá' ar Tiberiár daahh niri hardát iisaapoó didá' mikaáte kawa /aáy qoomár Aako iwa sluufiís.

1 Korinto 7:30

Nee mukdá' /aa/amiím masók a adór múk /aa/amiimaaká. Nee mukdá' qwalalaá/ masók a adór múk qwalaala/aaká. Mukdá' muruú tlaxuúm masók a adór múk gár koomaaká.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.