Luka 7:12 - Biblía Axweesantá Hhohho' ar Mungú 2004

¹² Dír dahmuú gixsa kuwa áy, tuuarka kana didií áy, kingi tsee/áy loohiis. Inós a na/oó garma oo wák dír aayoorose, slám aayoorós a kwaalo'o. Múk yaariír oo baraá gixsa nee inós ti koná'.

Ya/abtór hho' 1977

¹² Dír dahmuú gixsa kuwa áy, tuuarka kana didí áy, kingi tsee/áy loohiis. Inós a na/oó garma oo wák aayoorose, slám aayoorós a kwaalo'o. Múk yaariír oo baraá gixsa nee inós ti koná'.

Luka 7:12 Iomraidhean Croise

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 22:2

Mungú iri oó', «Garmaawók kwisíng oo kilós, nee oo kuúng ta ló'wa sla', Isaka, ar tlawang ay baraá yaamaá Moria. Daqaní kuúng ngu ilahhooár da/tá wa hanís gawaá tloomár aníng ni kuúngí laqaam.»

2 SAMUELI 14:7

Hám daxta, múk doorén sleémeero aníng iga sakií/, anír sagadiyuuso'oorók. Gár ta slai a garmaadá' aa tsu/uut. Un dir'íní laqaám kuwa gaasi, as hhiyawós nguwa gaás. Hamí, kuú alutmo kun gaasaárí axwees. Adoorí barka tleéhh daqaní oo ni harahhiif i kaahh, oo dir'eé' meét. Nee daqaní doó hhawaatu'eé' aa qwaár baraá yaamuwo.»

1 WAAWITÁ 17:12

/Ameenidá' guri beér, «Ar adoodá' AAKOÓ MUNGUÚWÓK ir hotaatina kudá' slaáf, gám aníng mukaatmo tumu niiná u koomaaká. Aníng gár ni koom a tsa/oó wák oo puurú ina meét baraá hutlaay, nee di/tá niiná baraá chupiito'o. Aníng hamí a diirií dirií', a migiruú sleemiís, nay waátl amór do', nay huuriím, naagáy án nee garmaaeé' tay /ayiimaán, tay qatlaán.»

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 17:23

Eliya na/aydá' ngurir aweér gawaá daárír wa ale, guri haniís dír aayoorós, aayoorós gari báy, «Qaytsiít, garmaawók i slaaf.»

1 WAAWITÁ 17:9

«Tláw ay gixsár Sarefati, tidár iisapoó Sidoni, ta amoodá' wa hót. Ga/aaweek, aníng /ameenír wák ar kwaalo'o ar amoodá' aga ádbáw, kuúng uwa /aymis.»

2 WAAWITÁ 4:16

Elisha gari báy, «Kurko qoomár adór tihe kiíng garma u umiín.» /Ameenidá' iri ó', «Aasla'áy, aakooeé', kuúng a heé Mungú, anír sagadiyuso'oorók mi al/agimaar.»

2 WAAWITÁ 4:20

Qoomár kuwa hardahaás, aayoorós guri ót gawaá geeraawós ay looár lahhoó', naagáy iri tsatiít.

YOBU 29:13

Tsuuqaá heé naa baraá tsaxwá wá tuú/ ina sláw, /ameenár kwaeeli ana /iimiís ngari qwal/úr áw.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Luka 7:11

Aluudae Yesu iri tláy dír gixsarka ta bay Naini. Nee eeharuuseerós tina koné', nee boo/oó úr oo muu.

Luka 7:13

Qoomár Aako ngiwa ár, guruuwós iri tláy, gari báy, «Ma /aa/amiimaar.»

Luka 8:42

asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Luka 8:52

Muu sleémeero tawa na/aydá' satsuunqumiisi, giri báy, «Ma /aa/amiimara', aa gwaiká, ina gú'.»

Yohana 11:19

Nee múk yaariír oo Yahudi tinda hardáh dír Marta nee Maria, as kiwa gurkwa/amisi as hhiyaaín iwa gwaá'.

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.