Luka 6:7 - Biblía Axweesantá Hhohho' ar Mungú 2004

⁷ Intsaahhatuusér hara'ayár Mose nee múk Farisayo kuri gigidín kuwa ari, áx gu hungu/uúsi deelór Sabaátoro, asma loohír kur sakwasleemuuti kawa slay.

Ya/abtór hho' 1977

⁷ Intsaahhatuusér hara'ayár Musa nee múk Farisayo kuri gigidín kuwa ari, áx gu hungu/uúsi deelór hungu/umaawo, asma loohír kur sakwasleemuuti kawa slay.

Luka 6:7 Iomraidhean Croise

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

Matayo 5:39

Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Marko 3:2

Kuri gigidín as kuwa ari, áx heedaádá' gu hungu/uúsi deelór Sabaátoro, as kahhó' kuwa sakwasleemuuti.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

Luka 20:20

Pa/ángw qoóm kuna leelehhiít, muu kuri ya/aáw amór Yesu, nee mukdá' tina adór mulqeerós tleéhh, as Yesu kuwa gigdin gawaá axweesanaywós kudá' i kaahi, as /aymu kuwa slay oo kur sakwasleemuuti aluuwo dír ga/aawusmoó waawutmoó múk Roma.

Yohana 9:16

Múk Farisayo bahh'alé tari oó', «Heesíng i amór Mungú dahhiiká, asma hara'ayár deelór Sabaáto ga eeharahariiká.» Ala bahh'alé tari oó', «Heé tlakweemaá koóm, layár adór tí tleehhamooro adór ngir aleeslay a adoomá?» Tiri kilooín afo dakumiisiyé'.