Luka 6:48 - Biblía Axweesantá Hhohho' ar Mungú 2004

⁴⁸ Slaqsaywós a adór heé doó tleéhh, gway yaamií foola hhe'eés, iihafiirír do' gan tleéhh gawaá tlaa/a. Duxér ma'aay niwa wá/, ma'aay do'dá' nguna i dahiyé' ar /uuru, ala do'dá' ngwaa dingisi'iiká, asma gwaa gawdeés tleehhamooro.

Ya/abtór hho' 1977

⁴⁸ Slaqsaywós a adór heé doó tleéhh, gway yaamí foola hhe'eés, koo/irós gari tleéhh gawaá tlaa/a. Duxér ma'aay niwa wá/, ma'aay do'dá' nguna i dahiyé' ar /uuru, ala do'dá' ngwaa dingisi'iiká, asma kwaa tlehhmo hhe'eés.

Luka 6:48 Iomraidhean Croise

2 SAMUELI 22:2

«AAKOÓ MUNGÚ a tlaa/ar'eé', a koo/ir'eé' ar gawit nee a ba/amusmooeé'.

2 SAMUELI 22:32

«A heemá oo adór Mungú, aqo har AAKOÓ MUNGUÚHEÉKE? A heemá oo adór tlaa/ár amohhooa, aqo har Munguúréneéke?

2 SAMUELI 22:47

«AAKOÓ MUNGÚ i slaaf! I xirfuuti inoósuuduú tlaa/ar'eé'! I xirfuuti Munguúeé', tlaa/ár anií ba/amis.

2 SAMUELI 22:5

«Gwa'ara ina /amaatsék adór bambaaór wa ale, alwuór slaqwara iri de'ee tsát.

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 95:1

Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

AXWEESANOÓ SAGALOOA 10:25

Bambaao bira waaráhh heé tlaákw in qwaar, ala heé ganaá' in kumaamiit ay kureeraá kureér.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

NAHUMU 1:8

Ala ar alwuoodá' wa/amiima, hotaá wakusmoowós gin qwaarees, wakuuseerós gari guus ay baraá giwti.

Luka 6:47

Umuúqo heewo oo naa dir'eé' hardah, axweesante'eé' gari axaás, adoodá' i kat gari tleehh, slaqsaywós ngu dirhúng i oó'.

Luka 6:49

Ala kudá' axweesante'eé' gaa axaas, adoodá' i kat gari tleehhiiká, slaqsaywós a adór heé do' gwa tleehh gawaá hhasaangw, koo/i gaa gawdeesiiká. Ma'aay niwa amoodií wa/iyé' ar /uuru, nguri adaá dahhiyé'. Adór do'dá' ira huú' ka ló'wa tlaakw.»

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 32:31

Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.