Luka 6:38 - Biblía Axweesantá Hhohho' ar Mungú 2004

³⁸ Muruú ta koonda'a muu qaqawaak, kuungá' tundu qáy. Qoomoó taa hatsiís, kway tiíl, kway /umamaa', iri yaamií waa/, an kudá' muu ni kuungí haniisi. Asma qoomaydá' tar qoomeemesa', an kudá' tindi kuungí qoomeesi.»

Ya/abtór hho' 1977

³⁸ Muruú ta koonda'a muu qaqawaak, kuungá' tundu qáy. Ar qoomoó taa hatsiís, kway tiíl, kway /umamaa', iri yaamí waa/, an kudá' muu ni kuungí haniisi. Asma qoomaydá' tar qoomeemesa', an kudá' tindi kuungí qoomeesi.”

Luka 6:38 Iomraidhean Croise

2 SAMUELI 19:36

Anuú sagadiyusmoowók nee kuúng ti alkoomaán diisíng tseew ar gayuú Yordani. Asma milá gár waawutmo aníng is qeemuú úri haniisi oo adór kwí.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

WARA'AMI 79:12

Aá Aakoó Mungú, xoordukaá digimuú inslaawaay awa kuúng u /oosliislimá', li/aay gawaaín ti bu' sagaáwa faanqw.

TI'INAANGW 21:24

Heé iltá hee gaa gaas, aqo tós kan gaas sleeme, heé sihhnoó hee gwa tuu/, aqo kós kun tuu/ sleeme, heé dákw hee gwa geeqay, aqo kós kun geeqáy sleeme, heé yaaér hee gaa geeqay, aqo tós kan geeqáy sleeme.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 22:9

Heé gurhhoó' ku tsuuq. Asma inós nee narkutmo muruú /aymar'ín a emto.

YEREMIA 32:18

Kuúng gár ta harslaaqat i káhh, nee múk kumér yaariir ugwa sla'aarirók ar warqawaakií laqaán, ala sleeme kuúng muu un múx as tlakweemaá xwayliitér'ín. Kuúng an Munguú úr oo /uuruú koóm, nee umuuwók an AAKOÓ MUNGÚ Aleesleemusmo.

Matayo 10:42

Án a kah, umuúqo heewo oo heé wák gwa wahaas, baraá kuká' ninakwe, tam ma'aá niiná awa tsa', as tawa eeharusmooeé', bu'utuuwós i qwaariiká.»

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Marko 4:24

Giri báy, «Qaytsité', har qoomaydá' kuungá' tar qoomaamesa', kungu kuungá' i qoomeemees, nee sleeme kunguri har waarahhaas.

Luka 6:30

Umuúqo heé firiiriím qaweek, heé muruuwók gu hayohahiím mu iinuusaar nguwa bui.

DABE 15:10

Heé narkutmo tu/aak ar muunuú /awaák, bura tú/ ma qunuunu/aar, asma adoorí bara tlehhé', AAKOÓ MUNGÚ, Munguúhúng kuungá' nu tsuuq baraá gadiyeduuhúng sleémeero awa taqo tlehhita'a.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.