Luka 6:27 - Biblía Axweesantá Hhohho' ar Mungú 2004

²⁷ «Ala kuungaásingá' anií axamiisá', án a kah, Wakuuserhúng sla'aak, kudá' nu ahhiitá' hhooeemií tlehhiitaak,

Ya/abtór hho' 1977

²⁷ “Kuungaásíng aní axamisa'a, án a kah, Wakuuserhúng sla'aak, kudá' nu ahhiitá' hhooeemáy tlehhiitaak,

Luka 6:27 Iomraidhean Croise

1 WAAWITÁ 13:6

Naagáy waawutmo Yeroboamu aarusmo guri báy, «Gám na'ás, án aleefiriimáng dír AAKOÓ MUNGÚ, Munguúwoge, doóqa dakw'eé' way'aasár amor'eé' ga ya/án.» Heedaáduú Mungú, AAKOÓ MUNGÚ guri firín, dákw waawutmo way'aasár amoorós gay ya/án, iri adoodár geerií kií/.

WARA'AMI 7:4

barnaxes mulqumooeé' ugwa gár tlaákw i tleéhh, laqaá bar wakusmooeé' bura tawó áw,

AXWEESANOÓ SAGALOOA 24:17

Wakusmoowók bira huú' ma qwalaa/aar, tam ma gurií qaseemaar bar yaae ngaa tunqalaá/.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

Marko 4:24

Giri báy, «Qaytsité', har qoomaydá' kuungá' tar qoomaamesa', kungu kuungá' i qoomeemees, nee sleeme kunguri har waarahhaas.

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Luka 8:18

«Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

Luka 8:8

Oo hatlá' iri paáhh baraá hhapér hho', niri ti'iít iri laqwaál oo wák tsiiru.» Kaangwí nguwa dir'ín i kaahi, ina tseé' iri oó', «Heé iaá axamis gi koóm, i axaasi.»

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 16:28

Ala Paulo iri tseé' ar afór ur, iri oó', «Miti gaasaar, asma atén sleémeero a diirí diriiaán.»

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.