Luka 6:23 - Biblía Axweesantá Hhohho' ar Mungú 2004

²³ Qwalaala/é' baalaadae, ta ni/iindá', asma ga/aawaagáy, gawaá dooriiwo kuungá' qeemuú úr u sleerá'. Asma adoosíng muu ni kuungií tlehhiiti, an adoodá' aáng baabi'ii'ín naa tlehhiitiyé' dír aaruuse.

Ya/abtór hho' 1977

²³ Qwalaala/é' baalaadae, ta ni/iindá', asma ga/aawaagáy, ar ta sleera' gawaá dooriiwo ka ur. Asma adoosíng muu ni kuungá' i laqan, an adoodá' baabi'ii'ín aaruuse ngaa laqiyé' aáng.

Luka 6:23 Iomraidhean Croise

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

1 WAAWITÁ 19:14

Inós iri oó', «AAKOÓ MUNGÚ, Munguú Aleesleemusmo aníng da/i iga ló'wa ót as kuúng, nee as múk Israeli, kudá' alqadoorók ngaa si'iye', kiteeriiwók kudaá ilahhooa ngay fee/iyé'. Aníng kiloeé' ana meét, slám hám i gaasár wa slaiyá'.»

1 WAAWITÁ 19:2

Naagáy Yesebeli harér Ahabu afo gari ya/áb amór Eliya, guri beér, «Mungui aníng i gaasiye' barnaxes slafiingók bura qo adór kuduú aaruuse tleehhiiká matlo siiwár adór tihe.»

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

2 WAAWITÁ 6:31

Inós iri oó', «Aníng tam Mungú i gaasi nee ar tí ba/a ngi án i tleehhi, Elisha garmoó Shafati buraqo isa tsatiiká laarí.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 1:41

Elisabeti laawoó Maria nguwa axás, na/oó niiná iri neét baraá guruuwós wa ale, Elisabeti kari hatsiís Qeeruú hhoohhoó' oo Munguhe.

Luka 1:44

Asma siiwadár kilá' án afór laawaaywók ngiwa axaás, na/oó niiná iri baraá guruueé' wa neét ar qwala/.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Tlehhema'aá ya/Abuuse 14:10

Paulo iri tseé' ar afór ur, guri báy «Sihhiita hhe'eés ar ya'aawók.» Heedaádá' iri sihhiít ar gaanslaay, iri hi'iimiít.

Tlehhema'aá ya/Abuuse 3:8

Heedaádá' niri yaamuú wa /akuút ar gaanslaay, iri sihhiít, iri hi'imiít. Tari aldáh baraá Doó Mungú nee Petro nee Yohane, iri hi'iimiít iri ni/ín, Mungú guri diidi'iimiís.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Rumi 5:3

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Yakobo 1:2

Hhaee'eé', kuungá' iiara'aduú dimbadimbé bura sleeré', harafaaraak tawa qwal/uú úr dirhunge.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:26

Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.