Luka 6:2 - Biblía Axweesantá Hhohho' ar Mungú 2004

² Múk Farisayo bahh'alé eeharuuse kari báy, «Adór ta tlehhita' baré i hariindaaká deelór Sabaátoro?»

Ya/abtór hho' 1977

² Múk Farisayo bahh'alé eeharuuse kari báy, “Adór ta tlehhita' baré i hariindaaká deelór hungu/umaawo?”

Luka 6:2 Iomraidhean Croise

TI'INAANGW 22:10

«Bar hee qaasarár daqwaay laqaá ar slee, laqaá ar bee/i, laqaá ar makiito'ór hatlá' gaa dír heéwí qaás as ngiwa amohhe'eesi, nee makiito'oodá' iri gwá', laqaá iri dii hhitirút, laqaá kaa qawti ar tláy heé gaa ar i kaahh,

TI'INAANGW 31:15

Gadiyeduhúng tleehhaak deelo lahhooe, ala bál faanqw a baalár Sabaáto ar hungu/uma ar taa paraátl as anuú AAKOÓ MUNGÚ. Heé aa gadiyuus baalaarír Sabaátoro gár kuwa hariím a gaasa.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

Matayo 12:2

Múk Farisayo adoodá' ngiwa ár, Yesu kuri báy, «Ga/aaweek, eeharuuseerók gár i tlehh a gár hariimaaká deelór Sabaátoro.»

Matayo 15:2

«Ahaá baré eeharuuseerók uunuú múk urén gi iialooeemiská. Asma daba' ki hamtlitiiká qoomár barta /ayín.»

Marko 2:24

Múk Farisayo Yesu kuri báy, «Ga/aaweek, eeharuuseerók baré adór hariimaaká gan tlehhít bál deelór Sabaátoro.»

Luka 5:33

Mukko Yesu guri báy, «Eeharuusér Yohane nee ar múk Farisayowo in gwaawaawiín nee in firaariín daqtá yaariire, ala eeharuuseerók i /ayiín nee i wahaán.»

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.