Luka 6:18 - Biblía Axweesantá Hhohho' ar Mungú 2004

¹⁸ Kuká' nina hardihiyé' as nguwa axaasiya', nee tiqtir'ín kawa hungu/uusi. Nee kudá' neetlaame aa daawitamís giri hungu/uús.

Ya/abtór hho' 1977

¹⁸ Kuká' nina hardihiyé' nguwa axaasiya', nee tiqtir'ín kawa hungu/uusi. Nee kudá' neetlaame aa daawitimís kiri hungu/uús.

Luka 6:18 Iomraidhean Croise

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 17:15

iri oó', «Aáko, garmaaeé' gurtlawang, asma inós i /araarán, nee ku ló'wa slahh'eemaamiis. Umuúqo daqto i huuhuaaín baraá asla nee baraá ma'aay.

Luka 6:17

Yesu nee inooín tindiri gawaá tloomár wa aweér, iri sihhiít baraá xatsa. Eeharuuseerós ar yaariir i didá', nee boo/oó úr oo muu oo yaamaá Yudea sleémeero ngi daáhh, nee Yerusalemuro nee yaamaá afaá tlawi awa Tiro nee Sidoni.

Luka 6:19

Boo/aay sleémeero inós guna kwatiitár wa slaá', asma /uuruudá' hungu/uumiís oo amoorós daáhh, kudá' sleémeero gi hungu/uumiís.

Tlehhema'aá ya/Abuuse 5:16

Muu sleémeero kudá' baraá gixsadaá bihhaá Yerusalemúr i tsewen, tari burumburiít, tiqtuuser'ín kingiri huwahuúw, nee múk neetlaame aa eér, tiqtuuseedá' sleémeero kari hungu/umiís.