Luka 6:17 - Biblía Axweesantá Hhohho' ar Mungú 2004

¹⁷ Yesu nee inooín tindiri gawaá tloomár wa aweér, iri sihhiít baraá xatsa. Eeharuuseerós ar yaariir i didá', nee boo/oó úr oo muu oo yaamaá Yudea sleémeero ngi daáhh, nee Yerusalemuro nee yaamaá afaá tlawi awa Tiro nee Sidoni.

Ya/abtór hho' 1977

¹⁷ Nee inooín tindiri gawaá tloomár wa aweér, iri sihhiít baraá xatsa. Eeharuuseerós ar yaariir i didá', nee boo/oó úr oo muu oo yaamaá Yudea sleémeero ngi daáhh, nee Yerusalemu nee afaá tlawi yaamaá Tiro nee Sidoni.

Luka 6:17 Iomraidhean Croise

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 12:15

Yesu adoodá' ngiwa tsaáhh, iri tláy didaádae, múk yaariír guri eehár. Sleémeero giri hungu/uumiís.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 15:21

Yesu iri tláy didae ay amór yaamaá Tiro nee Sidoni.

Matayo 5:1

Yesu boo/oó muu nguwa ár, iri tsa/án gawaá tlooma, qoomár iwa iwiít eeharuuseerós guri i daqeér.

Luka 5:15

Ala kangós iri ak tsiyaayaaxaát, boo/oó muu iri burumburiít as kuwa iiárií qamin, nee tiqtir'ín kawa hungu/uumisi.

Luka 6:12

Qoomaadae Yesu iri gawaá tloomár i tláy as iwa firór ay. Looa gari gawaadá' wa tleés, iwa Munguú firiirin.

Luka 6:16

Nee Yuda oo Yakobo nee Yuda Iskarioti kudá' Yesu gwaa sakii/.

Luka 6:18

Kuká' nina hardihiyé' as nguwa axaasiya', nee tiqtir'ín kawa hungu/uusi. Nee kudá' neetlaame aa daawitamís giri hungu/uús.