Luka 5:32 - Biblía Axweesantá Hhohho' ar Mungú 2004

³² Aníng naa hardihiiká as múk hota ganaá' ateetiim, ala nina hardáh as tlakuuse iwa hhu'u'uun.»

Ya/abtór hho' 1977

³² Aníng naa hardahiiká as gan'amuuse ngiwa ateetiim, ala nina hardáh as tlakuuse iwa hhu'u'uun.”

Luka 5:32 Iomraidhean Croise

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 15:10

Asma inós gana geerií xuú' adór kaahamuusér uren ar Mungú ngura amoodií húp as da/tá tawo.

Marko 15:7

Heeko ta bay Baraba kuna tseék dinkwa nee múk hatlá', asma tana slaáqw as axweesantá waawitá kawa sií', muu kuri tsuú/.

Marko 2:17

Yesu adoodá' ngiwa axaás, giri báy, «Múk slaqoo hhó' i qwaslaarmoó leelehhiitiiká, aqo har tiqtuuse. Aníng naa hardihiiká as múk hota ganaá' nguwa ateetiim, ala nina hardáh as tlakuuse.»

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Luka 15:7

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 5:31

Yesu giri báy, «Múk slaqoohhó' qwaslaarmo gu leelehhitiiká, ala aqo har múk tiíq.

Luka 5:33

Mukko Yesu guri báy, «Eeharuusér Yohane nee ar múk Farisayowo in gwaawaawiín nee in firaariín daqtá yaariire, ala eeharuuseerók i /ayiín nee i wahaán.»

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.