Luka 5:26 - Biblía Axweesantá Hhohho' ar Mungú 2004

²⁶ Sleémeero tari waa/oó/, Mungú kuri xirfayeemiís, tari da'ayuút ta kaahi, «Laarí muruú waa/oo/amo ugwa araán.»

Ya/abtór hho' 1977

²⁶ Sleémeero waa/oo/amo gay eér, Mungú kuri xirfayeemiís, dae giri eér ta kaahi, “Laarí muruú waa/oo/amo ugwa araán.”

Luka 5:26 Iomraidhean Croise

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Matayo 12:23

Boo/aydá' sleémeero iri waa/oó/, tari káh, «Heewí a Garmoó Daudíwoóke?»

Matayo 28:8

Tari tláy ar gaanslaay dír /aantár wa ale, ar dae nee qwal/uú úr. Tari ta'aaín, eeharuuse kari ádbeemuú áy.

Matayo 9:8

Boo/aydá' didií dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa dír múkwí haniis.

Marko 2:12

Siiwadár kilae heedaádá' iri sihhiít, hhaftuuwós guri gagaár, iri ti'iít geeraá muu sleémeero, muu sleémeero iri waa/oó/, Mungú kuri xirfayeemiís, tay káh, «Kureeriiwo gár adoorí aga baloó araaniiká.»

Luka 1:65

Múk yaamaá iisaapaydá' sleémeero tari da'ayuut, nee kaangwí aa tleehharuut sleémeero iri hardáh ay baraá yaamaá tlom'aá Yudea sleémeero.

Luka 5:8

Simon Petro adoodá' ngiwa ár, iri tumbarara'aát dír ya'aá Yesu, iri oó', «Aáko, dir'eene quútl, asma aníng a heé tlakusmo.»

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Luka 8:37

Muu sleémeero kuduú yaamaá Gerásír daáhh, Yesu kuna firín iwa quutli, asma naa ló'wa da'ayuutiyé'. Yesu iri dáh baraá miringamo, iri tláy.

Tlehhema'aá ya/Abuuse 4:21

Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.

Galatia 1:24

Inooín Mungú kuri xirfayeemiís as aníng.