Luka 5:24 - Biblía Axweesantá Hhohho' ar Mungú 2004

²⁴ Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Heedaáduú tiqtír sol'omit guri báy, «Án kuúng un baw, sihhiít, hhaftuuwók gagaareek, waátl amór do'ók.»

Ya/abtór hho' 1977

²⁴ Ala kuungá' xuaak gídaabá Garmoó Hee aleesleemu gu kón baraá yaamuuwo oo tlakweema ngiwa gurtlay.” Heedaádá' tiqtír sol'omituú koóm guri báy, “Án a kah, sihhiít, hhaftuuwók gagaareek, waátl amór do'ók.”

Luka 5:24 Iomraidhean Croise

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

Matayo 16:13

Yesu iri tláy ay yaamaá Kaisarea Filipi. Eeharuuseerós gari yaahaás gari báy, «Muu gár i kaahi a milá daanduú Garmoó Heewo, inós a heemá?»

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 26:64

Yesu iri oó', «Kuúng aga ó'. Ala án a kah, iimír hamí Garmoó Hee u aandá' aa iwiít dákw doó /iyáy oo kudá' aleesleemuú koóm, nee nay kii/ ar huunkoó doori.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Matayo 9:6

Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Tiqtusmoodá' guri báy, «Sihhiít, hhaftuuwók gagaareek, waátl amór do'ók.»

Luka 5:13

Inós guri dakós i gan'aás, guri kwatiít iri oó', «Án a slaá', hhoohhoúw.» Hamtidár kilae tiqtirós tidár tsatmit iri hungú/.

Luka 5:18

Naxés muu nina hardáh, ta heé tiqtír sol'omituú kón, ku loohiis ar hhafta. Geera kun dahaasár wa slaa' baraá do', as kuwa dír geeraawósí qaasi.

Luka 5:23

Gár ák inslaahh ooaro a gaalá, tawa oói, ‹Tlakweemaawók kaa gurtláy,› laqaá, ‹Sihhiít, hi'iimiít›?

Luka 7:14

Yesu iri tseewúy, xaaiidá' kingir gagarin giri kwatiít, mukdaádá' ga loohiís tari sihhiít. Iri oó', «Gárma, án a kah, kuúng tlawáng.»

Luka 8:54

Inós gari dawa óh, iri tseé' iri oó', «Dási, tláw.»

Yohana 11:43

Yesu adoorí ooaro ngiwa hhe'eés, iri tseé' ar afór ur, «Lasáro, ti'iitáng.»

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Tlehhema'aá ya/Abuuse 14:10

Paulo iri tseé' ar afór ur, guri báy «Sihhiita hhe'eés ar ya'aawók.» Heedaádá' iri sihhiít ar gaanslaay, iri hi'iimiít.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.

Tlehhema'aá ya/Abuuse 9:40

Petro muu sleémeero guna tsee/ií duúx. Iri tumbarara'aát, iri firín. Iri amór tuuaárí warqáy iri oó', «Tabita, tlawáng.» Iri qaytsít, nee Petro nguwa aán iri tleér, iri iwít.

Geehhoeemaá 1:13

Nee baraá tla/ángw kiteeridá' tsaa'asór kooma'a, heeko una ár oo adór slaqsoó garmoó hee. Hiyoó naa dahaás aa hardáh ay baraá ya'a', nee himuú sahaábu gwaa gawaá da/eewawósií tseék.