Luka 5:21 - Biblía Axweesantá Hhohho' ar Mungú 2004

²¹ Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Ya/abtór hho' 1977

²¹ Intsaahhatuusér hara'ayár Musa nee múk Farisayo tiri yaahamiisiyé' ta kaahi, “A heemá heewí /aymi'iiká' gi káh, awa Mungú /ooslisliingw? A heemá oo tlakweema gurtleemuuwo gi aleesláw, a har Mungú kilosekáhe?”

Luka 5:21 Iomraidhean Croise

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

WARA'AMI 35:5

Ta adór mundoó fur'a ir tlatleer tleehhiti, malaykamoó AAKOÓ MUNGÚ ngi haritleesi.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

TLAHHOÓ LAÁWI 24:16

Umuúqo heewo oo yaamuloó' laqaá hoomo oo umuú AAKOÓ MUNGÚ gwaa tloqoos, xooro gun tlaa/ér gás.

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

Matayo 26:65

Kaahamusmoó úr oo Mungú inqwaruuwós guri feehhamiís, iri oó', «I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Matayo 9:3

Intsaahhatuusér hara'ayár Mose bahh'alé tari baraá muner'ín i káh, «Heewí i Munguú /ooslislín.»

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Luka 5:17

Looarka wake iwa intsaahhatimisi, múk Farisayo nee intsaahhatuusér hara'ayár Mosewo, kudá' baraá umuúqo gixsár Galilayár dahhá' nee yaamaá Yudea nee Yerusalemuro, taa didaádií iwiít. Nee Yesu aleesleemuú Aako gu kón oo ir hungu/uumisi.

Luka 5:22

Yesu axweesantaín gari tsaáhh, giri báy, «Gár ta baraá munerhúngií aldakuta' a milá?

Luka 7:49

Mukdá' nee inós taa al iwiit dír muruú /ayma, naxés ta baraá muner'ín i axwees ta kaahi, «Inósuuwí a heemá tam iwa tlakweemaá gurtlatlay?»

Yohana 10:33

Múk Yahudi iri oó', «Atén kuúng u tlaquutanaaká ar tlaa/e as gadiyér hho', ala gár us tlaquutaan as kuúng tawa Munguú /ooslisliin, nee as kuúng kilók tiwa Mungú tlehhit.»

Rumi 8:33

Heé mukdaádá' Mungú aa tsawaár gu sakwasleemuút a heemá? Mungú an kudá' gi gan'amuú i harafadiít.