Luka 5:17 - Biblía Axweesantá Hhohho' ar Mungú 2004

¹⁷ Looarka wake iwa intsaahhatimisi, múk Farisayo nee intsaahhatuusér hara'ayár Mosewo, kudá' baraá umuúqo gixsár Galilayár dahhá' nee yaamaá Yudea nee Yerusalemuro, taa didaádií iwiít. Nee Yesu aleesleemuú Aako gu kón oo ir hungu/uumisi.

Ya/abtór hho' 1977

¹⁷ Looarka wake iwa intsaahhatimisi, múk Farisayo nee intsaahhatuusér hara'ayár Musa, kudá' baraá umuúqo gixsár Galilayár dahhá' nee yaamaá Yudea nee Yerusalemu, taa didaádí iwiít. Nee inós aleesleemuú Aako gu kón oo ir hungu/uumisi.

Luka 5:17 Iomraidhean Croise

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 15:1

Qoomaadae múk Farisayo nee intsaahhatuusér hara'ayár Mose nina Yerusalemúr wa tlayé' ay amór Yesu, kuri báy,

Marko 1:45

Ala heedá' iri ti'iít, kangwdá' guri alki/iít ar axweesanoó yaariír, nee guri tsiyaayaaxán, tam Yesu pa/aangw gwa slayká oo iwa dahi baraá gixsa ar geehhooeema. Ala iri tsee/aá wa iwiwiít dír muu iwa kahhi, nee umuúqo diiro kuri i daqaaqáy.

Marko 16:18

dayshe tamka ohín, laqaá gár tsu/uut barka wáh, gár gi aw i káhh tam ar niiná. Dabaaín birka gawaá tiqtuusér i qaás, i hungaagú/.»

Marko 3:22

Slám intsaahhatuusér hara'ayár Mose, tidá' amór Yerusalemúr daahh ina kát, «Yesu kwaa i dáh nee neetlangwdá' úr ta bay Be'elsebuli, nee i neetlaamér duxún ar /uuruú neetlangwdá'.»

Marko 5:30

Hamtidár kilae Yesu gari tsaáhh adór /uuruuwós oo hungu/umis ir gadiyuús dír heekó wa ale. Iri amór múk i warqáy iri oó', «Heé inqwaarir'eé' gaa kwatiit a heemá?»

Marko 7:1

Múk Farisayo tana geeraawós i burumburiít dinkwa nee intsaahhatuusér hara'ayár Mose bahh'alé, tidá' Yerusalemúr daahh.

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 2:46

Alaá deelo tame kuri baraá Doó Mungú wa sláy, aa tla/ángw intsaahhatuusér i iwiít, gi iiárií qamín nee gin yaahamiis.

Luka 5:21

Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 6:19

Boo/aay sleémeero inós guna kwatiitár wa slaá', asma /uuruudá' hungu/uumiís oo amoorós daáhh, kudá' sleémeero gi hungu/uumiís.

Luka 7:30

Ala múk Farisayo nee intsaahhatuusér hara'ayár Mose sla'aaridár Mungú daanduuine kana sií', asma inooín baatiísmoó Yohane kwa ya/aniká.

Luka 8:46

Yesu iri oó', «Hee iga kwatiít, asma aga tsaáhh adór /uuruueé' oo hungu/uumis ir gadiyuús dír heekó wa ale.»

Yohana 3:10

Yesu guri báy, «Kuúng a intsaahhatusmoó múk Israeli. Ay hamí kaangwí u xu'ukáhe?

Yohana 3:21

Ala heé muruú ló' tlehhahhiít in hardah amór gwa/aateema, as muruudá' i tlehhahhiti iwa geehhoouy adór sleémeero kura tleéhh ar /uuruú Mungú.»

Tlehhema'aá ya/Abuuse 19:11

Mungú muruú waa/oo/amo guri ak tlehhaahhiít ar dabaá Paulo.

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Tlehhema'aá ya/Abuuse 5:34

Ala heeko wák, oo Farisayo, umuuwós ta bay Gamalieli, slám inós a intsaahhatusmoó hara'ayár Mose, a heé ta ilaiwawa/i nee muu sleémeero. Inós ina sihhiít dír tla/ángw múk kwasleema, hara'aya gari oó' as ya/abuuse kawa tsee/áy duuxi qoomár niinawe.