Luka 5:13 - Biblía Axweesantá Hhohho' ar Mungú 2004

¹³ Inós guri dakós i gan'aás, guri kwatiít iri oó', «Án a slaá', hhoohhoúw.» Hamtidár kilae tiqtirós tidár tsatmit iri hungú/.

Ya/abtór hho' 1977

¹³ Inós guri dakós i gan'aás, guri kwatiít iri oó', “Án a slaá', hhoohhoúw.” Hamtidár kilae tiqtirós tidár tsatmit iri hungú/.

Luka 5:13 Iomraidhean Croise

IIMU/UUNGW 1:3

Mungú iri oó', «Gwa/aateema i deeruutiye'.» Nee gwa/aateema niri deeruutiyé'.

IIMU/UUNGW 1:9

Mungú iri oó', «Ma'aá dooriwo baraay i burumburiitiye' dír wák as yaamaá kaahaar iwa geehhouya'.» Adoodá' iri tleehharút.

2 WAAWITÁ 5:10

Elisha hee guri ya/aáw amór Na'amani, nguwa bay, «Tláw, hamtlo aweek baraá yaaér Yordani sagaá wa faanqw, slaqwtók daqaní i adoodií kí/, kuúng tari hhoohhoouúr.»

2 WAAWITÁ 5:14

Naagáy Na'amani iri tláy ay baraá yaaér Yordani, iri /eét sagaá wa faanqw ar adoodá' Elisha heé Mungú ngira oó'. Inós iri ló'wa huunguú/. Kaahartá slaqwtós iri hhoohhouúr adór tiqár na/oó niiná.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

ESEKIELI 36:29

Aníng kuungá' nun ba/amís baraá slasla/aruhúng sleémeerowo. Aníng balangwhúng ngu hamareés, tam giyeé ni baloó tleeraaká.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

Matayo 8:3

Yesu guri dakós i gan'aás guri kwatiít, guri báy, «Án a slaá', hhoohhooúw.» Hamtidár kilae tiqtirós tidár tsatmit iri hungú/.

Luka 4:39

Iri dír bihhaá aayoodá' ii sihhiít, ga/atani gari iigahhaát, iri hungú/. Inós iri gaanslár tleér, giri sagadiyús.

Luka 5:12

Yesu iwa baraá gixsár wák i dirii'i baraá gixsaduudae, heé tiqtír tsatmit i deer baraadae. Inós Yesu nguwa ár, iri dirós i tumbarara'aát, guri firín iri oó', «Aáko, kuúng bar slá', i aleesleér iwa hheehhe'es.»

Luka 5:14

Guri báy, «Tí ma heé bawaar, ala tláw ti laqaan dír kaahamusmoó Mungú. Ilahhooadá' Mose aa hara'ayín asma hungu/umaawók haniiseek, tí i lamabu'uungw tleehhit dir'ine.»