Luka 5:12 - Biblía Axweesantá Hhohho' ar Mungú 2004

¹² Yesu iwa baraá gixsár wák i dirii'i baraá gixsaduudae, heé tiqtír tsatmit i deer baraadae. Inós Yesu nguwa ár, iri dirós i tumbarara'aát, guri firín iri oó', «Aáko, kuúng bar slá', i aleesleér iwa hheehhe'es.»

Ya/abtór hho' 1977

¹² Iwa baraá gixsár wák i dirii'i baraá gixsaduudae, heé tiqtír tsatmituú koóm i deer baraadae. Inós Yesu nguwa ár, iri dirós i tumbarara'aát, guri firín iri oó', “Aáko, kuúng bar slá', i aleesleér iwa hheehhe'es.”

Luka 5:12 Iomraidhean Croise

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

1 WAAWITÁ 18:39

Muu adoorí ngiwa ár tari gur'eérár qaqatín ta kaahi, «AAKOÓ MUNGÚ an Munguú ló', AAKOÓ MUNGÚ an Munguú ló'.»

2 WAAWITÁ 5:1

Na'amani, geeraharusmoó slaqwaruusér waawutmoó Aramu, inós an heé ló'wa iia tleér, nee oo ta ló'wa slai nee aakoowós, asma ar loohír inose AAKOÓ MUNGÚ yaamuuín gina arba/atírí haniís. Inós an slaqwarusmoó pihhusmo, ala inós i tiqtír tsatmituú kón.

2 WAAWITÁ 5:27

Gawaá adoorihe tiqtidár tsatmit ar Na'amani kuúng u ot, nee xwaylarók sleémeero, tam ay alhhe'eesay wasle.» Naagáy Gehasi iri tláy didae nee slaqwtós tiqtír tsatmit gaa qaroó ót, kaahartós aa /awaakuúr adór tlaa/aá tluwaay.

2 WAAWITÁ 7:3

Muko tsiyáhh oo tiqtír tsatimituú koóm i deer didár afkú gixsár Samariaro, inooín tina kilooín yaahamisiyé', «Ahaá an diirí wá iwiwiitaána ay dír qwari tay tsu/i?

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

TI'INAANGW 4:6

AAKOÓ MUNGÚ Mose guri malé báy, «Dakók qaaseek gawaá da/ewaawók.» Mose dakós guri qaás gawaá da/ewaawós, dakós nguwa hingeés, naxés dakós i tiqtír tsatimituú kón, ku /awaák adór tlaa/aá tluwaay.

TLAHHOÓ LAÁWI 13:16

Ala barnaxes inkaahhaydá' duwumiís aa warqáy, iri /awaakúy, heedaádá' i ki/i amór kaahamusmoó Mungú.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

Matayo 26:6

Qoomár Yesu iwa Betaniár i dirii'i, dír doó Simonidá' tiqtír tsatimituú koóm,

Matayo 9:28

Yesu iwa dír dó' i hardáh, taampuudá' nguri i daqayé'. Yesu giri báy, «Kuungá' aga haratlinti'í'i adór aníng tlehhmuú adoosíng ngur aleesláw?» Tari oó', «Eeít, Aáko.»

Marko 5:23

guri ló'wa firín guna báy, «Dasir'eé' tooka niina i afkú bohóngw i dirí'. Xa qwaláng, dakók i qaaseek, i hungu/, miwa gwá'.»

Luka 17:16

Iri tumbarara'aát dír geeraá Yesu, guri sluufiís. Nee heedaádá' a heé tlahhoó múk Samaria.

Luka 5:13

Inós guri dakós i gan'aás, guri kwatiít iri oó', «Án a slaá', hhoohhoúw.» Hamtidár kilae tiqtirós tidár tsatmit iri hungú/.

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»