Luka 5:11 - Biblía Axweesantá Hhohho' ar Mungú 2004

¹¹ Miringer'ín kawa dír afaá ma'áy duúx, umuúqo gaaro kay didií geexáy, inooín Yesu kway eehár.

Ya/abtór hho' 1977

¹¹ Miringer'ín kawa dír afaá ma'áy duúx, umuúqo gaaro kay didí geexáy, inós kway eehaár.

Luka 5:11 Iomraidhean Croise

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Matayo 19:27

Petro iri oó', «Qaytsiít, xáy atén mura' sleémeero ugwa geexawaán, kuúng uri eeharaán, gár atén ta slawaan a milá?»

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 4:20

Siiwadár kilae baratsufay'ín nguri geexayé' Yesu kuri eehár.

Matayo 4:22

Hamtidár kilae miringamooín nee baabuúine kiri geexáy, Yesu kuri eehár.

Marko 10:21

Yesu guri i qaytsiít, guri slaá', guri báy, «Gár wák uga wa /aaruúr. Tláw, muruudá' ta koon sleémeero weeriseek, ku narkuutér i hanmís. Tók ar yaariir a gawaá doorí eér. Bara hhe'és, ni hardát, aníng ir eehát.»

Luka 5:28

Umuúqo gaaro gay geexáy, iri tláy, guri eehár.