Luka 5:1 - Biblía Axweesantá Hhohho' ar Mungú 2004

¹ Qoomár Yesu iwa sihhiit afaá tlawtá Genesareti kuna tliíq nee múk yaariír oo axweesantá Mungú ngaa axamisuú ay.

Ya/abtór hho' 1977

¹ Múk yaariír oo axweesantá Mungú axaamiís inós guna tliíq qoomár iwa sihhiít afaá tlawtá Genesaretír i alé.

Luka 5:1 Iomraidhean Croise

FAARO 34:11

Shefamu ngin wa tláy nari báskwí ti'iit ay Ribla, bihhaá da/aáw aa Aini, digmuuwí in tlaatláy baraay ay /etángw da/aáw oo tlawtá Kinereti.

Matayo 11:12

Iimír de'emaá Yohanedá' Baatimaamiís ay hamí waawuti'iimár doori kan i qwatliit ar /uuru, nee múk /uuruú koóm ga hayoohín ar /uuru.

Matayo 14:34

Qoomár tlawi kawa waaraáhh, tari hardáh baraá yaamaá Genesareti.

Marko 3:9

Eeharuuseerós gari báy, «Miringamo dir'eénií tseweesare', boo/aay miwa tliíq.»

Marko 4:1

Yesu iri malé afaá tlawtá wa intsaahhatimís. Boo/oó yaariír guri i burumburiít. Inós iri tsa/án gawaá miringamooko baraá tlawtí dirií', as tliqa, iri iwiít. Nee boo/aydá' sleémeero gwa i burumburiit i afaá tlawtí dirii' amór yaamaá kaahaar.

Marko 5:24

Tiri koné' nee inós. Mukdá' yaariír guri eehár ar tliqa.

Marko 6:53

Tlawi kingiwa faák tari hardáh yaamaá Genesareti, miringamo kuri tseék.

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 5:2

Yesu miringér tsár gana afaá tláwtí ár. Ala múk siyoó ohiím aa ti'iít baraadae, ta baratsufay'ín hamtliit.

Luka 8:22

Looarka wake Yesu nee eeharuuseerós tari tsa/án gawaá miringamo. Eeharuuse gari báy, «Gusé', a gayuuqá' i waarahhaán.» Tari tláy.

Luka 8:23

Tawa hi'iiti Yesu iri guú'. Bambaao gay baraá tláwtí eér, miringamo naxés i hatsmuú slaa' ma'aywo. Naxés ta baraá tsaxwa.

Luka 8:33

Neetlaame heedaádá' guri geexeér, baynuudá' giri eér. Daqtá baynu iri /ét ar ti'iingw, iri /e/etiín baraá tlawi, baynuudá' niri qatliyé' baraá ma'aay.

Luka 8:45

Yesu iri oó', «Heé án iga kwatiit a heemá?» Umuúqo heewo iri oó', «A aningeeká.» Petro iri oó', «Aáko, múk yaariír kwí kuúng una harweér nee ugwa tliíq.»

Yohana 1:40

Andrea, hhiyoó Simon Petro, a heé wák baraá eeharuuseedá' tsár Yohane gwa axamis nee Yesu gwaa eehat.

Yohana 6:1

Aluuwo Yesu iri tláy, iri waaraáhh amór gayuú tlawtá Galilaya, tida sleeme ta babay tlawtá Tiberia.

DABE 3:17

Bihhaá /uwaawo yaamuuín ay yaaér Yordani, bihhaá /iiko tlawtá Galilaya ngina wa tláy, iri kumiít ay tlawtá Araba, an tlawtá Diwi, ay /etángw Pisga bihhaá da/aawe.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.

YOSHUA 12:3

Sleeme ina waawuti'ín iimír iimu/úngw yaaér Yordani dír tlawtá Kinerotiro da/aáw, ay Bet-yeshimoti yaamaá Araba, ay amór bihhaá tlawtá Araba, ar ta bay Tlawtá Diwi, tay amór geetaawér tloomár Pisga.

YOSHUA 13:27

nee gixsadu sleémeero awa baraá xatstá Bet-haramu, nee Bet-nimra nee Sukoti nee Safoni nee yaamaá waawutmo Sihoni awa na meetiye', kudá' aa waawuti'in Heshbonír wa ale, yaamuuká' digmuuín a yaaér Yordani ay alhhe'eesoó tlawtá Kinereti ay gayuú da/aáw oo Yordani.