Luka 4:6 - Biblía Axweesantá Hhohho' ar Mungú 2004

⁶ Neetlaangw iri oó', «Waawuti'iimarí sleémeero nee xirfuuwose ngi kuúngí haniís, asma sleémeero kinga án i haniís, nee án a aleesláw ngiwa haniis dír umuúqo heé ngir sla'a.

Ya/abtór hho' 1977

⁶ Neetlaangw iri oó', “Waawuti'iimarí sleémeero ngi kuúngí haniís nee xirfuuwose, asma sleémeero kinga án i haniís, nee án a aleesláw ngiwa umuúqo heé i haniis oo ngir sla'a.

Luka 4:6 Iomraidhean Croise

ESTA 5:11

Hamani giri yaareemaá daqaari'iimarósí alki/iít, nee daaqaywós oo yaariír nee adoodá' waawutmo nguwa uráy haniís, nee nguwa baalírí haniís daanduú geeraharuuse nee sagadiyuusér waawutmoowo.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

Luka 4:7

Aníng kuúng bira i tumbarara'át, sleémeero daqaní a tók.»

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Yohana 14:30

Axweesantá yaariir ar ni dirhúng i malé oo' i káhh, asma heé úr oo yaamuuká' i hi'iit. Ala inós gár i aleeslay i káhh dir'eene.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

2 korinto 11:14

Ala a gár waa/oo/amoorooká. Asma tam Neetlaangw inósuú kilá' tin warqeemiis tawa slaqsoó malaykamoó gwa/aateema.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.