Luka 4:41 - Biblía Axweesantá Hhohho' ar Mungú 2004

⁴¹ Múk yaariír sleeme neetlaame guri gimeér, ta tseeamín ta kaahi, «Kuúng a Garmoó Mungú.» Yesu giri iigahhamiít asma matawa kumiít tawa axweesi, asma ka xuu' adór inós tar Kristo.

Ya/abtór hho' 1977

⁴¹ Múk yaariír sleeme neetlaame guri geemeér, ta tseeamín ta kaahi, “Kuúng a Garmoó Mungú.” Yesu giri iigahhaát asma matawa kumiít tawa axweesi, asma ka xuu' adór inós tar Kristo.

Luka 4:41 Iomraidhean Croise

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Matayo 8:16

Qoomár tsiindoowo múk yaariír oo neetlaame aa eér kuna huwahuúw dír Yesu. Inós neetlaameedá' gari hingeemiís ar /aymi'iiwós, muu sleémeero oo tiqtír dimbadimbé koóm guri hungu/uumiís.

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Matayo 8:4

Yesu guri báy, «Ga/aaweek, tí ma heé bawaar, ala tláw, ti laqaan dír kaahamusmoó Mungú. Muruudá' Mose aa hara'ayín haniiseek, as kahhó' inooín adór kuúng tara hungú/ ngiwa ariya'.»

Marko 1:25

Yesu neetlaameedá' gari iigahhaát, gari báy, «Xasliité', ti'iité'.»

Marko 1:32

Qoomár tsiindo looa iwa dát, kuna múk yaariír i huwahuúw oo tiqtuuse nee oo neetlaame aa aeér.

Marko 1:34

Múk yaariír oo tiqtír dimbadimbé ga koóm guri hungu/umiís, neetlaamér yaariir gari hingeemiís, sleeme neetlaame gaa mayká iwa axwes, asma gwaa xú'.

Marko 3:11

Nee mukduú neetlaame aa eér umuúqo siiwaro Yesu burkwa ár, tan dír geeraawosí tumbarara'aamiit, tan tseeamín ta kaahi, «Kuúng an Garmoó Mungú.»

Luka 4:39

Iri dír bihhaá aayoodá' ii sihhiít, ga/atani gari iigahhaát, iri hungú/. Inós iri gaanslár tleér, giri sagadiyús.

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yakobo 2:19

Kuúng a haratlintaatí' adór Mungú tar wak. Adoosíng i qoón. Tam neetlaame sleeme adoosíng ga haratlintaatí', nee in daaráx daeero.