Luka 4:35 - Biblía Axweesantá Hhohho' ar Mungú 2004

³⁵ Yesu neetlaameedá' gari iigahhaát iri oó', «Xasliité', ti'iité'.» Neetlaameedá' heedaádá' guri baraá tla/angw'ín i dáhh, guri geemeér, gwa slahh'eesiiká.

Ya/abtór hho' 1977

³⁵ Yesu neetlaameedá' gari iigahhaát iri oó', “Xasliité', ti'iité'.” Neetlaameedá' guri baraá tla/angw'ín i dáhh, guri geemeér, gwa slahhe'esiká.

Luka 4:35 Iomraidhean Croise

WARA'AMI 50:16

Ala Mungú tlakusmo gu babay, «A milá kuúng gár kaahir'eé' kas alki/it, nee alqador'eé' gár kas axwes ar afkók?

SEKARIA 3:2

Malaykamooduú AAKOÓ MUNGÚ, Neetlaangw guri báy, «Aá Neétlaangw, AAKOÓ MUNGÚ kudá' gixsár Yerusalemu gaa tsawaar kuúng u iigahhaati. Asma heewí a adór hhartá tinda baraá asltá wa hhaákw.»

Matayo 17:18

Yesu neetlaame gari iigahhaát, neetlaameedá' na/aay guri geexeér. Na/aydá' iri hunguú/ siiwadár kilae.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Marko 1:26

Neetlaameedá' hee guri pungaahhamuúr, iri tsé' ar afór ur, guri geemeér.

Marko 4:39

Ina tláy, fur'a gari i gahhaát, tlawi gari báy, «Xasliít, amohhooúw.» Hamtidár kilae fur'a iri xaslít, tlawi iri ló'wa amohhoouúr.

Marko 9:26

Neetlaameedá' iri /á/, guri ak pungahhamuúr, iri qútl, inós naxés a ád heé aa gwaa' daxta. Múk yaariír tari qo oó', «Aa gwaá'.»

Luka 11:22

Ala heé /uuruuwo inós gu baá/ bira hardáh, guri /awa/awín guri baal, xooslaarós tidá' geeraawo ir hhawati'iimisi gan hayoh haasaáng guri qasmiis.

Luka 4:23

Inós giri báy, «Án ngi slaá' kuungá' daxta i slaqsaywí beerá', ‹Aá qwaslaarámo, ti kilók hungu/us.› Nee sleeme án ngi slaá' i malé beera', ‹Muruudá' sleémeero taa axaasaán kudá' taa baraá Kapernaumúr wa tléhh, tleehheek sleeme diirihe baraá ayaawoge.› »

Luka 4:39

Iri dír bihhaá aayoodá' ii sihhiít, ga/atani gari iigahhaát, iri hungú/. Inós iri gaanslár tleér, giri sagadiyús.

Luka 4:41

Múk yaariír sleeme neetlaame guri gimeér, ta tseeamín ta kaahi, «Kuúng a Garmoó Mungú.» Yesu giri iigahhamiít asma matawa kumiít tawa axweesi, asma ka xuu' adór inós tar Kristo.

Luka 8:24

Tari Yésú tleesár áy ta kaahi, «Aáko, Aáko, aga qwaaraán.» Iri tláy, fur'a gari iigahhaát, nee ma'aydá' tsifaqamiitá'. Fur'a nee ma'aywo nay xasliitiyé', umuú gaaro iri xaslít.

Luka 9:39

Ga/aaweek, neetlaame gun aaeér. Qoomár burngwa eér in tseeamín, slám gu /aramiimís. Nee slooro gan tlaqaas. Neetlaameedá' gu slahh'eemís, slám gu gimeeraaká, aqo ar ma/iís.

Luka 9:42

Iwa amoodá' kay, na/aydá' neetlaame guri yaamií dáhh, guri pungaahhamuúr, Yesu neetlaame gari iigahhaát. Na/aay guri hungu/uús, guri dír baabuúwós i ki/ís.

Geehhoeemaá 12:12

Gawaá adoorihe, kuungá' doóri, bara/é', nee kuungaásingá' sleémeero awa baraasíng wa hootá' sleeme. Kuungá' yaámu nee tláwi, a tsaxwaahúng. Asma Neetlaangw, inós naa amorhúng i aweér. Inós i ló'wa xaraasl, asma gaa xuú' adór deeloorós ar aa met kar ureeká.»