Luka 4:22 - Biblía Axweesantá Hhohho' ar Mungú 2004

²² Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Ya/abtór hho' 1977

²² Axweesantós giri qwal/ás, axweesantá gurtleemu kari waa/oo/amór wa ár, tidá' aa axweés ar afkós, tay káh, “Kwí a garmoó Yosefuwookáhe?”

Luka 4:22 Iomraidhean Croise

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

AXWEESANOÓ SAGALOOA 10:32

Múk ganaá' gár axweesanto hariim ga xuu', ala afér múk tlákw gár i axwes a axweesanoó lama.

AXWEESANOÓ SAGALOOA 16:21

Heé sagaloó' kun bay heé daharuú koóm, nee axweesanoó sla'atamís muu gu afaa/aslín.

AXWEESANOÓ SAGALOOA 25:11

Axweesantá taa oó' qoomár hariima, a adór slamángw sahaábu oo taa qaalín ar muqslír peésa.

DAHARUSMO 10:12

Axweesantá heé sagaloó' inósuú kilá' gun /ís, ala axweesantá daktani slafiingósuú kilá' gun qwaarés.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

Luka 2:47

Mukdá' sleémeero axamiís sagalooarós kari waa/oó/, nee adoodá' axweesani ngira mu/aywatsín.

Luka 2:48

Qoomár xwayliteérós nguwa aán, tari waa/oó/, aayo guri beér, «Garmaaeé', mista adoorí láq? Ga/aaweegáy, aníng nee baabuúwoge kuúng una leelehhahhitaán ar gurhaami.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Luka 4:21

Tidá' i ooár wa slai gari iimu/ún, iri oó', «Tí taa gooín diirihe kari axasé', laarí aa bó/ dirhunge.»

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 6:42

Tari oó', «Ahaá, inós a Yesúwoóke, garmoó Yosefu. Slám baabuúwós nee aayoorós a kudá' ni xuaánaáke? Ahaá, mis kaahi, ‹Aníng nina gawaá doorí wa aweér.› »

Yohana 7:46

Askaáridá' iri ó', «Heé aa adór heedaádár axwees i kaahh tam looár wake.»

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tito 2:8

Axweesantók sleémeero masók a axweesantadá' hariim ar ta waaqaqaiiká, as mukdaádá' atén ti tlaampa'aamisuú wa slaá', masók gár tlaakw ar ta ari i káhh daandeemoorene.